Baibolo Yamwafwile Ukukaana Itunko

Muno nshiku amatunko nayafulisha mwi sonde. Ukuumfwila amafunde ya mu Baibolo takwayanguka. Limo kuti cakose cibi ukukonka ukufunda kwa Baibolo ukutila: “Fulumuko bulalelale.”—1 Abena Korinti 6:18.

Nte ya kwa Yehova uo twalaita Sebastian abombele ku kampani ka ku Scandinavia mu Poland. Alibombeshe apakalamba pa kuba fye uwa cishinka.

Sebastian bamwishibe ukuti ni Nte ya kwa Yehova. Bakapitao bakwe bacindike ifyo alebombesha ne misango isuma iyo aali na yo, bamupeele ne cifulo cikalamba. Lelo, aishibe pa numa ukuti ali no kulasangwa ku kukumana kwa kulanshanya pa fya kampani ukwali ukwangala kushaweme.

Tapakokwele Sebastian atampile ukusakamana. Atile: “Bakapitao wandi banjishiba ukutila ndi Nte ya kwa Yehova. E ico cine bantetekelela no kunshintililamo nga nshi. Nga nshiileko, bakamfumye ncito, iyafishe fi ukusanga. Kuti caba shani nga naile mu kutambako fye nshileyangalako?”

Lyene Sebastian aishibe ukuti kwali no mulimo bamupeele ukubomba kulya kwine. Mulimo wa kufwaya abakashana mu cungulo aba kuulungana na baleshishanya na kampani abafumine mu fyalo ifyalekanalekana. Bushe cinshi aali no kucita?

Sebastian alandile na bakapitao wakwe no kubeba ifilanda Baibolo pa bulalelale ifyo asambilile. Bwangu bwangu Sebastian asangile ukuti ukulingana fye ne fyo asambilile, te kuti abombe iyi ncito nakalya. E fyo alekele ncito. Aingile incito imbi uko balemupeela indalama inono lelo ukushali matunko nga yalya. Na kampingu yakwe nomba yaba fye bwino.

Cinshi mwingacita ngo muntu amupatikisha ukucita ubulalelale nelyo ukubumona kwati busuma ukucita? Bushe na imwe kuti mwacita ifyacitile Sebastian? Ifi fine e fyacitile Yosefe wa ku kale, filya Ukutendeka 39:7-12 kusosa.