Abo Wingapashanya—Davidi

Davidi alitemenwe inyimbo. Alishibe sana ukwimba no kulemba inyimbo. Aleipangila ne filimba umwine. (2 Imilandu 7:6) Davidi alicenjele icine cine ica kuti imfumu ya Israele yalimwitile kwi sano ku kuyalisha inyimbo. (1 Samwele 16:15-23) Davidi alisumine ukuya mu kulisha. Nomba ici tacamulengele ukuba ne cilumba, kabili talekele inyimbo ukumuteka ubusha. Lelo inyimbo aleimba, sha kulumbanya Yehova.

Bushe na iwe walitemwa inyimbo? Nalimo tawacenjela ukwimba nga Davidi, na lyo line kuti wamupashanya. Kuti wamupashanya shani? Wileka inyimbo shikuteke ubusha nelyo ukukulenga ukulacita ifintu ifingabifya ishina lya kwa Lesa. Lelo, ulekutika ku nyimbo pa kuti shilekusansamushako fye. Ukwishiba ukushika inyimbo no kumfwa bwino nga shilelila bupe ubo Lesa atupeela. (Yakobo 1:17) Davidi abomfeshe ubu bupe mu nshila iyalengele Yehova ukumfwa bwino. Bushe na iwe e fyo uli no kubomfya ubu bupe?