Ukulingana ne fyo Luka Ailembele 3:1-38
3 Mu mwaka walenga 15 ukutula apo Tiberi Kaisare atendekeele ukuteka, ilyo Ponti Pilato ali umulashi wa ku Yudea, na Herode*+ ali kateka wa ku citungu ca Galili, kabili Filipi munyina ali kateka wa citungu ca Iturea ne ca Trakoniti, e lyo Lusani ali kateka wa citungu ca Abilene,
2 mu nshiku sha kwa Anasi intungulushi ya bashimapepo na mu nshiku sha kwa Kayafa,+ Yohane+ umwana wa kwa Sekaria apokelele amashiwi ya kwa Lesa ninshi ali mu matololo.+
3 E ico aile ku mishi iyashinguluka Yordani, aleshimikila abantu ukuti balingile ukubatishiwa pa kulanga ukuti nabalapila pa kuti Lesa ababelele uluse pa membu shabo,+
4 nga filya calembwa mwi buuku lya kwa Kasesema Esaya ukuti: “Umuntu alebilikisha mu matololo aleti: ‘Pekanyeni inshila sha kwa Yehova!* Lungamikeni inshila shakwe.+
5 Umupokapoka onse ufwile ukushiikwa, ulupili lonse na kapili fifwile ukupaswa; ifinshoko fifwile ukuba inshila ishaololoka no mwalundumana mufwile ukuba inshila ishalingana;
6 na bantu bonse bakamona ifyo Lesa akapususha abantu.’”*+
7 E ico atendeke ukweba amabumba ya bantu abaleya kuli ena ukuti ababatishe, ati: “Mwe bana ba mafwafwa mwe, nani amusokele pa kuti mufulumuke ubukali ubuleisa?+
8 E ico citeni ifintu ifilelanga ukuti namulapila. Mwilalanda mu mitima yenu amuti, ‘Twalikwata shifwe Abrahamu.’ Pantu ndemweba nati, Lesa kuti ayalula aya mabwe yaba abana ba kwa Abrahamu.
9 Na kuba isembe lili kale mupepi ne shinte lya cimuti. E ico icimuti conse icishitwala ifisabo ifisuma bakacitema no kucipoosa mu mulilo.”+
10 Kabili amabumba yalemwipusha ayati: “Nomba cinshi tufwile ukucita?”
11 Na o abaswike ati: “Uukwete ifya kufwala fibili* apeeleko uushikwete, no ukwete ifya kulya apeeleko uushikwete.”+
12 Na bakasonkesha ba misonko nabo balile mu kubatishiwa,+ kabili bamwipwishe abati: “Mwe Kasambilisha, cinshi tufwile ukucita?”
13 Na o abebele ati: “Mwilasonkesha* abantu umusonko ukucila uo balingile ukusonka.”+
14 Abashilika nabo bamwipwishe abati: “Inga ifwe cinshi tufwile ukucita?” Na o abaswike ati: “Mwilacusha umuntu nangu umo* nelyo ukufyenga umuntu uuli onse,+ muleteka fye imitima ku malipilo yenu.”
15 Nomba apo abantu balelolela Kristu, bonse baletontonkanya pali Yohane abati: “Bushe uyu nalimo e Kristu?”+
16 Lelo Yohane aebele bonse ati: “Ine imubatishisha mu menshi, lelo uwancila amaka aleisa, uo nshalinga ukukakula intambo sha ndyato shakwe.+ Ena akamubatishisha ku mupashi wa mushilo na ku mulilo.+
17 Naikata ica kwelelako cakwe pa kuti akawamye bwino bwino apa kupumina ingano no kushilonganya e lyo no kushibika mu butala, lelo imisungu akayoca mu mulilo uo bashingashimya.”
18 Alibakonkomeshe pa fintu ifingi na fimbi, kabili alitwalilile ukubila imbila nsuma ku bantu.
19 Lelo pa mulandu wa kuti Yohane alekalipila Herode kateka wa citungu pali filya aupile Herodia muka munyina, na pa fintu fyonse ifyabipa ifyo alecita,
20 Herode alicitile icabipa na cimbi: Abikile Yohane mu cifungo.+
21 Nomba ilyo abantu bonse balebatishiwa, Yesu na o alibatishiwe.+ Kabili ilyo alepepa, umuulu waliswike+
22 no mupashi wa mushilo uwalemoneka kwati ni nkunda waikiile pali ena, ne shiwi lyafumine mu muulu aliti: “Uli Mwana wandi uo natemwa; niwe nsekelamo.”+
23 Ilyo Yesu+ atendeke umulimo wakwe, ali ne myaka nalimo 30,+ kabili abantu baishibe ukuti ali mwana wa kwaYosefe,+umwana wa kwa Heli,
24 umwana wa kwa Matati,umwana wa kwa Lebi,umwana wa kwa Melki,umwana wa kwa Yanai,umwana wa kwa Yosefe,
25 umwana wa kwa Matatia,umwana wa kwa Amose,umwana wa kwa Nahumu,umwana wa kwa Esli,umwana wa kwa Nagai,
26 umwana wa kwa Maati,umwana wa kwa Matatia,umwana wa kwa Semeini,umwana wa kwa Yoseke,umwana wa kwa Yoda,
27 umwana wa kwa Yoanani,umwana wa kwa Resa,umwana wa kwa Serubabele,+umwana wa kwa Shealtiele,+umwana wa kwa Neri,
28 umwana wa kwa Melki,umwana wa kwa Adi,umwana wa kwa Kosamu,umwana wa kwa Elmadamu,umwana wa kwa Ere,
29 umwana wa kwa Yesu,umwana wa kwa Eliesere,umwana wa kwa Yorimu,umwana wa kwa Matati,umwana wa kwa Lebi,
30 umwana wa kwa Sumeone,umwana wa kwa Yuda,umwana wa kwa Yosefe,umwana wa kwa Yonamu,umwana wa kwa Eliakimu,
31 umwana wa kwa Melea,umwana wa kwa Mena,umwana wa kwa Matata,umwana wa kwa Natani,+umwana wa kwa Davidi,+
32 umwana wa kwa Yese,+umwana wa kwa Obedi,+umwana wa kwa Boasi,+umwana wa kwa Salumone,+umwana wa kwa Naashone,+
33 umwana wa kwa Aminadabu,umwana wa kwa Arni,umwana wa kwa Hesrone,umwana wa kwa Perese,+umwana wa kwa Yuda,+
34 umwana wa kwa Yakobo,+umwana wa kwa Isaki,+umwana wa kwa Abrahamu,+umwana wa kwa Tera,+umwana wa kwa Nahore,+
35 umwana wa kwa Serugi,+umwana wa kwa Reu,+umwana wa kwa Pelege,+umwana wa kwa Ebere,+umwana wa kwa Shela,+
36 umwana wa kwa Kainani,umwana wa kwa Arpakishadi,+umwana wa kwa Shemu,+umwana wa kwa Noa,+umwana wa kwa Lameke,+
37 umwana wa kwa Metusela,+umwana wa kwa Enoke,umwana wa kwa Yarede,+umwana wa kwa Mahalaleele,+umwana wa kwa Kainani,+
38 umwana wa kwa Enoshe,+umwana wa kwa Sete,+umwana wa kwa Adamu,+umwana wa kwa Lesa.
Amafutunoti
^ E kutila, Herode Antipa. Moneni Amashiwi ya mu Baibo ne fyo Yapilibula.
^ Moneni Ifyebo Fyalundwako pa A5.
^ Nelyo “inshila Lesa apusushishamo.”
^ Nelyo “ica kufwala na cimbi.”
^ Nelyo “Mwilapoka.”
^ Nelyo “mwilapoka umuntu nangu umo ifintu.”
