Amalumbo 78:1-72
-
Ifyo Lesa alecitila abena Israele ne fyo abena Israele bashali ne citetekelo
Maskili.* Ulwimbo lwa kwa Asafi.+
78 Mwe bantu bandi, kutikeni ifunde lyandi;*Umfweni ifyo akanwa kandi kalelanda.
2 Nkaasamuna akanwa kandi no kulandila mu mapinda.
Nkalapika ubwile bwa kale.+
3 Ifintu ifyo twaumfwapo kabili ifyo twaishiba,Ifyo bashifwe batushimikila,+
4 Tatwakafifise ku bana babo;Tukashimikilako na ba mu nkulo iikakonkapo+Ifikalamba ifyo Yehova acita na maka yakwe,+Ifintu ifisuma nga nshi ifyo acita.+
5 Apeele abatuntwike muli Yakobo ica kubebukishakoKabili abikileko ifunde mu Israele,Aebele bashifwe ukutiBakashimikileko abana babo ifi fintu,+
6 Pa kuti aba mu nkulo iikakonkapo,Abana abakafyalwa bakafishibe.+
E lyo nabo bakashimikileko abana bakakwata.+
7 Lyena aba bana bakacetekela Lesa.
Tabakalabe ifyo Lesa acita+Kabili bakalakonka amafunde yakwe.+
8 Lyena tabakabe nga bashibo,Inkulo ya bantu abali bacintomfwa kabili bacipondoka+Inkulo ya bantu abakwete umutima uwalealuka-aluka*+Kabili abashali ne cishinka kuli Lesa.
9 Abena Efraimu bali-ipangeshe na mata,Lelo balifulumwike ilyo kwali inkondo.
10 Tabasungile icipangano ca kwa Lesa+Kabili tabalekonka amafunde yakwe.+
11 Balilabile ne fyo acitile,+Ifipesha amano ifyo abalangile.+
12 Acitile ifipesha amano ninshi na bashibo balemonako,+Mu calo ca Egupti, mu citungu ca Soani.+
13 Ayakenye bemba pa kuti bapitemo,Kabili alengele amenshi yaiminina kwati cibumba.+
14 Akasuba alebatungulwila kwi kumbiE lyo ubushiku bonse alebatungulwila ku lubuuto lwa mulilo.+
15 Alepwile amabwe mu matololo,Alengele banwa amenshi ayengi nga ya muli bemba, ica kuti icilaka bakwete calipwile.+
16 Alengele mu cilibwe mwafuma imilongaKabili alengele amenshi yalapita kwati mimana.+
17 Lelo batwalilile fye ukubembukaIlyo balepondokela Uwapulamo mu ciswebebe;+
18 Balyeseshe Lesa mu mitima yabo+Ilyo bamupamfishe ukuti abapeele ifya kulya ifyo balefwaisha.*
19 E ico balelanda ifyabipa pali Lesa,Balelanda abati: “Bushe Lesa kuti atupeela ifya kulya mu matololo?”+
20 Moneni! Aumine mu cilibweIca kuti amenshi yalifumine yapanga ne milonga.+
“Bushe kuti atupeela no mukate,Nelyo bushe kuti apeela abantu bakwe inama?”+
21 Ilyo Yehova aumfwile ifyo baleilishanya, alikalipe nga nshi;+Atumiine abana ba kwa Yakobo umulilo,+Kabili afuliilwe nga nshi abena Israele+
22 Apo tabatetekele Lesa,+Tabacetekele ukutila kuti abapususha.
23 E ico aebele umuulu,Kabili aiswile ifiibi fya mu muulu.
24 Alebaponesha mana iya kuti balelya;Abapeele ingano sha ku muulu.+
25 Abantu baliile ifya kulya fya ba maka;*+Abapeele ifya kulya ifingi ica kuti balikwite.+
26 Alengele umwela wa ku kabanga wapuupa mu muuluKabili ku maka yakwe alengele umwela wa ku kapinda ka ku kulyo wapuupa.+
27 Kabili abaponeshe inama ishingi ngo lukungu,Abaponeshe ne fyuni ifingi nga nshi, ngo mucanga wa mu lulamba lwa bemba.
28 Alengele fileponena mu kati ka nkambi yakwe,Ukushinguluka amatenti yakwe.
29 Kabili baliliile no kwikutisha;Alibapeele ifyo balefwaya.+
30 Nomba ilyo bacili balefwaya ifya kulya na fimbi,Ninshi ifyo balelya ficili mu tunwa twabo,
31 Ubukali bwa kwa Lesa bwaishile pali bena.+
Aipeye abaume babo aba maka;+Aipeye na balumendo ba mu Israele.
32 Nangu ca kuti ifi fyonse fyalicitike, batwalilile fye ukubembuka+Kabili tabacetekele ifipesha amano ifyo acitile.+
33 E ico alengele inshiku shabo shapwa ngo mupu,+Kabili alengele imyaka yabo yapwa, ilyo abaleteele ubucushi mu kupumikisha.
34 Nomba nga aipayapo bamo, balemulomba ukuti ababelele uluse,+Balebwelela kuli ena no kutendeka ukumufwaya.
35 Baleibukisha ukuti Lesa e wali Icilibwe cabo+No kuti Lesa Uwapulamo e walebalubula.*+
36 Lelo ku tunwa twabo balefwaya ukumubepaKabili ku lulimi lwabo balimubepele.
37 Imitima yabo tayatwalilile ukuba iya cishinka kuli ena;+Kabili tabasungile icipangano cakwe.+
38 Lelo ali no luse;+Alebeleela* imembu kabili talebalofya.+
Imiku iingi alebweshamo ubukali bwakwe+Taleleta ubukali bwakwe bonse pali bena.
39 Pantu aleibukisha ukuti bantu fye,*+Mwela uupuupa no kukanabwela.*
40 Balemupondokela imiku iingi mu matololo+Kabili balemukalifya mu ciswebebe!+
41 Libili libili bale-esha Lesa,+Kabili balengele Uwa Mushilo uwa kwa Israele aba no bulanda.*
42 Tabaibukishe amaka yakwe,*Balilabile ubushiku abapuswishe* ku mulwani,+
43 Ifyo alangile ifishibilo fyakwe mu Egupti+Ne fipesha amano fyakwe mu citungu ca Soani,
44 Ne fyo alengele amenshi ya mu tumifoolo twafuma mu mumana wa Naelo yasanguka umulopa+Pa kuti benwa amenshi ya mu tumilonga twabo.
45 Abatumiine ifipobe pa kuti fibasume kabili fibacushe,+Abatumiine na bacula pa kuti abantu bacule nga nshi.+
46 Aletele amapantankolo* pa kuti yalye ifilimwa fyabo,Ifilimwa fyabo ifyo baculiile, balifiliile kuli makanta.+
47 Aonawile imyangashi yabo ku mfula ya mabwe+Aonawile ne mikunyu yabo ku mabwe ya mfula.
48 Aloseshe imfula ya mabwe pa fitekwa fyabo ifyalesenda ifipe+Kabili aipeye ifitekwa fyabo ku nkuba.*
49 Aletele ubukali bwakwe ububilima ngo mulilo pali bena,Icifukushi, icipyu no bucushi,Na mabumba ya bamalaika pa kuti balete ubonaushi.
50 Aliwemye umwa kupita ubukali bwakwe.
Tabapuswishe* ku mfwa;Kabili alibepeye ku cikuko.
51 Mu kulekelesha aipeye amabeli yonse aya mu Egupti,+Ayali intendekelo ya maka yabo aya bufyashi mu matenti ya kwa Hamu.
52 Lyena afumishe abantu bakwe mu Egupti,Kabili alebatungulula nge mpaanga+ mu matololo.
53 Alebacingilila ilyo alebatungulula,Kabili tabaletiina nangu cimo;+Bemba aminine abalwani babo.+
54 Kabili abatwele ku cifulo cakwe ica mushilo,+Icitungu ca mpili ico apokeele ku kuboko kwakwe ukwa ku kulyo.+
55 Alibatamfiisheko inko;+Abomfeshe intambo ya kupiminako pa kubakanya impanga;+Alengele aba mu mikowa ya kwa Israele baikala mu mayanda yabo.+
56 Lelo batwalilile ukwesha Lesa Uwapulamo, kabili balemupondokela;+Tabalebika amano ku fyo alebebukishako.+
57 Balifumine mu nshila kabili tabali aba cishinka nga filya bashibo bali.+
Tabacetekelwe, bali nge ntambo ya pa buta iyanenuka.+
58 Balemukalifya pantu balepepa tulesa twa bufi pa fifulo fya kupepelapo,+Kabili balelenga akalipa* pa mulandu wa kuti balekontamina ifilubi.+
59 Lesa alimwene ifyo bacitile kabili alikalipe,+E ico alikeene abena Israele.
60 Asukile alekelesha itenti lya mushilo ilyali mu Shilo,+Itenti ilyali pamo na bantunse umo aleikala.+
61 Alekele icishibilo ca maka yakwe caya muli bunkole;Alekele no bukata bwakwe babusenda ku balwani.+
62 Alekele abantu bakwe babepaya ku lupanga+Kabili alifuliilwe ubupyani bwakwe.
63 Umulilo waocele abalumendo bakwe,Kabili banacisungu bakwe tababembiile inyimbo sha pa bwinga.*
64 Bashimapepo bakwe babepaile ku lupanga,+Kabili abakashi babo tababalooseshe.+
65 Lyena Yehova alishibwike ngo muntu uwashibuka mu tulo,+Ngo mwaume wa maka+ uulekololoka umwangashi.
66 Alifulumwine abalwani bakwe kabili balibwelelemo;+Alibaseebenye umuyayaya.
67 Alikeene itenti lya kwa Yosefe;Tasalile no mukowa wa kwa Efraimu.
68 Lelo asalile umukowa wa kwa Yuda,+Ulupili lwa Sione ulo atemwa.+
69 Alengele icifulo cakwe ica mushilo cabako umuyayaya nga filya imyulu yabako umuyayaya,+Kabili nga filya alenga isonde lyabako umuyayaya.+
70 Asalile Davidi+ umubomfi wakweKabili amufumishe ku macinka ya mpaanga.+
71 Amufumishe mu kucema impaanga ishikota ishonsha;Amulengele alacema abantu bakwe abatuntwike muli Yakobo,+Na bena Israele ubupyani bwakwe.+
72 Alebacema ukulingana no mutima wakwe uwa kaele,+Kabili alebatungulula bwino sana.+
Amafutunoti
^ Nelyo “ifyo ndelanda.”
^ Mu ciHebere, “umutima uushaipekenye.”
^ Nelyo “ifya kulya fya mweo wabo.”
^ Nelyo “ifya kulya fya bamalaika.”
^ Nelyo “e walebalandwilako.”
^ Mu ciHebere, “Alefimba pa.”
^ Mu ciHebere, “munofu.”
^ Nelyo kuti yapilibula no kuti, “mupashi uufuma no kukanabwela.”
^ Nelyo “balimukalifye.”
^ Mu ciHebere, “ukuboko kwakwe.”
^ Mu ciHebere, “abalubwile.”
^ Amapantankolo musango wa makanta uulya sana ifimenwa.
^ Nelyo kuti yapilibula no kuti, “ku cikuko.”
^ Nelyo “Tapuswishe imyeo yabo.”
^ Nelyo “balelenga aba na kalumwa.”
^ Mu ciHebere, “Kabili banacisungu bakwe tababalumbenye.”
