Cinshi Baibolo Yalanda pa Kubika Umulopa mu Muntu?
Icasuko ca mu Baibolo
Baibolo itweba ukuti tatufwile ukulya umulopa. E ico tatufwile ukusumina ukutubikamo umulopa nelyo ifikalamba fine ifyapanga umulopa, nangu ni lintu fili mu musango wa fya kulya. Belengeni amalembo yakonkapo:
Ukutendeka 9:4. Pa numa ya Lyeshi, Lesa alisuminishe Noa no lupwa lwakwe ukutampa ukulya inama lelo alibakenye ukulya umulopa. Lesa aebele Noa ati: “Lelo inama umuli umweo, umulopa wa iko, mwilalya.” Abantu bonse bafwile ukulakonka ili funde pantu bonse bana ba kwa Noa.
Ubwina Lebi 17:14. “Mwilalya umulopa wa ca mweo conse, pantu umweo wa ca mweo conse mulopa wa ciko. Onse uwalya umulopa akepaiwa.” Lesa amona ukuti umweo, nelyo ubumi, bwaba mu mulopa kabili imyeo yonse yakwe. Nangu ca kuti ili funde lyapeelwe fye ku bena Israele, lilenga twaishiba ifyo Lesa alemona ifunde lya kukanalya umulopa, ukuti likalamba nga nshi.
Imilimo 15:20. “Tubalembele fye ukutaluka . . . ku mulopa.” Lesa apeele Abena Kristu ifunde lilya line apeeleko na Noa. Ilyashi lya kale lilanga ukuti Abena Kristu ba kubalilapo balekaana ukulya umulopa, nangu fye uku-ubomfya pa kubondapa.
Mulandu nshi Lesa atwebela ukutaka ku mulopa?
Kwaliba imilandu iingi iisuma iyo tulingile ukutalukila ku mu mulopa, iyo na bamufipatala basuminishako. Lelo icacindamisha ca kuti Lesa alitupeela ifunde lya kutaluka ku mulopa pantu umulopa wimininako icintu ico amona ukuti ca mushilo.—Ubwina Lebi 17:11; Abena Kolose 1:20.
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Bushe Umwina Kristu Kuti Asumina Ukumundapa?
Bushe umusango wa kutundapilamo twasala kuti wasekesha Lesa nelyo ukumukalifya?
AMEPUSHO ABANTU BEPUSHA SANA
Cinshi Inte sha kwa Yehova Bakaanina Ukubabikamo Umulopa
Fingi abantu batontonkanya pa Nte sha kwa Yehova ukuti e filenga balekaana ukubabikamo umulopa. Ishibeni icishinka pa fyo twasuminamo pa kubomfya umulopa.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.