Sadit na Aki na May Dakulang Puso

KASUARIN pa sana, sarong nuebe anyos na aking babae sa Brazil an nagsadiring boot na isuway sa duwang parte an saiyang natipon na kuarta—18 dolyar asin 25 dolyar. Ilinaag nia an mas sadit na kantidad sa kahon sa kontribusyon sa saindang Kingdom Hall tanganing makatabang sa pagbayad sa gastos kan kongregasyon. Dangan ipinadara nia an mas dakulang parte sa sangang opisina kan Mga Saksi ni Jehova, kaiba an halipot na surat. Sinabi nia sa saiyang surat: “Gusto ko pong idonar ini sa pambilog na kinaban na gibohon. Mawot ko pong tabangan an dakol na tugang sa bilog na kinaban tanganing ihulit an maogmang bareta. Itinatao ko po ini na may dakulang kapadangatan asin pagkamoot ki Jehova.”

An sadit na aking ini tinokdoan kan saiyang mga magurang na mahalaga an personal na pakikikabtang sa paghuhulit kan Kahadean. Itinadom man ninda sa isip nia na kaipuhan niang ‘tawan nin onra si Jehova paagi sa saiyang mahahalagang bagay.’ (Tal. 3:9) Arog kan sadit na aking iyan, logod na kita gabos maigot na makikabtang sa pagpalakop kan intereses kan Kahadean, sa lokal sagkod sa bilog na kinaban!