An Pinakanobleng Klase nin Pagkamoot

SA KADAKLAN nanggad na pagkagamit sa Kristianong Griegong Kasuratan, o Bagong Tipan, an terminong “pagkamoot” traduksion kan terminong Griego na a·gaʹpe.

Sa pagpaliwanag kan kahulogan kan terminong iyan, an reperensiang Insight on the Scriptures * nagsasabi: “An [a·gaʹpe] bakong pagkasentimental, na basado sana sa personal na pagkamuya, arog kan parateng hinohona, kundi iyan moral o sosyal na pagkamoot na nakabasar sa tinuyong konsentimiento kan boot huli sa prinsipyo, obligasyon, asin pagigin tama, na sinserong hinihingoa na magibo an ikararahay nin iba segun sa kun ano an tama. Napanggaganahan kan a·gaʹpe (pagkamoot) an personal na mga pakikienemigo, na nungkang tinotogotan an mga ini na magin dahelan na bayaan nin saro an tamang mga prinsipyo asin magbalos sa kaparehong paagi.”

Puedeng kaiba man sa a·gaʹpe an hararom na pagmate. “Magkaigwa nin malaad na pagkamoot [a·gaʹpe] sa lambang saro,” an sadol ni apostol Pedro. (1 Pedro 4:8) Sa siring, masasabi na an a·gaʹpe kalabot an puso saka an isip. Taano ta dai pensaron an nagkapirang teksto na nagpapaheling kan puersa asin sakop kan nobleng klaseng ini nin pagkamoot? An minasunod na mga reperensia puedeng makatabang: Mateo 5:43-47; Juan 15:​12, 13; Roma 13:8-10; Efeso 5:​2, 25, 28; 1 Juan 3:15-18; 4:16-21.

[Nota sa Ibaba]