Maghanda na marhay. Pag-isipan kun taano ta isinurat an babasahon mo. Praktison na basahon an grupo nin mga tataramon, bako sana an kada tataramon. Dai magdagdag, maglaktaw, o magribay nin mga tataramon. Sunudon an mga punctuation mark.

Pronunsiyaron nin tama an lambang tataramon. Kun dai mo aram kun paano ipopronunsiyar an sarong tataramon, hilingon iyan sa diksiyonaryo, magdangog sa audio recording kan publikasyon, o magpatabang sa sarong mahusay magbasa.

Magtaram nin malinaw. Ipronunsiyar nin tama an mga tataramon, itiso o itanos an payo, asin ibukang marhay an nguso. Hinguwahon na pronunsiyaron an lambang silaba.