Handa Na Daw Ako?
Handa Na Daw Akong Maghulit Kaiba kan Kongregasyon?
Posibleng handa ka nang magin dai pa bawtisadong parahayag kun . . .
Regular kang nag-aadal nin Bibliya, namimibi, asin nag-aatender sa mga pagtiripon kan kongregasyon.
Pinapahalagahan mo an saimong mga nanunudan, kumbinsido ka diyan, saka gusto mong sabihon iyan sa iba.
Namumutan mo si Jehova asin an mga pinipili mong mga amigo namumuot man saiya.
Bako ka nang miyembro nin ano man na pulitikal o relihiyosong organisasyon.
Namumuhay ka kauyon kan mga pamantayan ni Jehova asin gusto mong magin sarong Saksi ni Jehova.
Kun sa hiling mo handa ka nang maghulit kaiba kan kongregasyon, an nagtutukdo saimo nin Bibliya puwedeng magsabi sa mga elder para kaulayon ka kun paano mo maaabot an mga kuwalipikasyon.
Handa Na Daw Akong Magpabawtismo?
Posibleng handa ka nang magpabawtismo kun . . .
Saro ka nang dai pa bawtisadong parahayag.
Ginigibo mo an saimong pinakamakakaya para regular na makapaghulit.
Sinusuportaran asin sinusunod mo an paggiya kan “maimbod asin mapagmansay na uripon.”—Mateo 24:45-47.
Nagdusay ka na ki Jehova paagi sa pamibi asin gusto mong paglingkudan siya habangbuhay.
Kun sa hiling mo handa ka nang magpabawtismo, an nagtutukdo saimo nin Bibliya puwedeng magsabi sa mga elder para kaulayon ka kun paano mo maaabot an mga kuwalipikasyon.
