Talinhaga 2:1-22
2 Aki ko, kun aakuon mo an sakong mga tataramonAsin papahalagahan na marhay* an sakong mga tugon,+
2 Paagi sa pagtaong atensiyon kan saimong talinga sa kadunungan+Asin pagkiling kan saimong puso sa pakamansay;+
3 Dugang pa, kun ika mag-apod para maghagad nin pakasabot+Asin magkurahaw para maghagad nin pakamansay;+
4 Kun padagos kang mahanap kaiyan na siring sa pirak,+Asin padagos kang makalot kaiyan na siring sa nakatagong kayamanan;+
5 Sa siring, masasabutan mo an pagkatakot ki Jehova,+Asin manunumpungan mo an kaaraman manungod sa Diyos.+
6 Huli ta si Jehova mismo an nagtatao nin kadunungan;+Hali sa nguso niya an kaaraman asin pakasabot.
7 Nagtitipon siya nin praktikal na kadunungan para sa mga matanos;Saro siyang kalasag para sa mga naglalakaw na may integridad.+
8 Binabantayan niya an mga dalan nin hustisya,Asin poprotektaran niya an dalan kan mga maimbod sa saiya.+
9 Dangan masasabutan mo kun ano an matanos asin makahustisya saka dai pagpaurog,An enterong dalan kan kun ano an karahayan.+
10 Pag an kadunungan maglaog sa puso mo+Asin pag an kaaraman magin nakakaugma sa kalag* mo,+
11 An kakayahan na mag-isip padagos na babantayan ka,+Asin an pakasabot iingatan ka,
12 Tanganing iligtas ka sa maraot na dalan,Sa tawong mga biribid na bagay an itinataram,+
13 Sa mga nagbabaya sa mga tanos na dalanTanganing maglakaw sa mga dalan nin kadikluman,+
14 Sa mga tawong ipinaggagayagaya an paggibo nin maraot,Na ikinakaugma an biribid asin maraot na mga bagay,
15 Sa mga tawong tiriko an mga agihanAsin anas katusuhan an enterong dalan.
16 Ililigtas ka kaiyan laban sa babaying pakawala,*Laban sa mahalnas* na mga tataramon kan babaying imoral,*+
17 Na binayaan su nagin dayupot niyang kaiba-iba* puon pa kan hoben siya+Asin liningawan an tipan kan saiyang Diyos;
18 Huli ta an saiyang harong naglulubog pababa sa kagadanan,Asin an saiyang mga dalan* pasiring duman sa mga nagkagaradan na,+ na mga dai nang nagigibo pa.
19 Dai na mabalik pa an siisay man sa mga nakikidurog* sa saiya,Asin an mga dalan nin buhay dai na ninda mababawi pa.+
20 Kaya sundan mo an dalan nin mga marahay na tawoAsin magdanay ka sa mga agihan kan mga matanos,+
21 Huli ta an mga matanos sana an mag-iistar sa daga,Asin an mga daing katuyawan* an matatada diyan.+
22 Kun manungod sa mga maraot, tatakrason sinda sa daga,+Asin an mga traydor gagabuton diyan.+
Mga Nota
^ O “iingatan.”
^ Sa literal, “dai midbid.” Minalataw na saro na dai nagsusunod sa mga pamantayan nin Diyos sa moral.
^ O “mapang-akit.”
^ Sa literal, “dayuhan.” Minalataw na saro na napasuway sa mga pamantayan nin Diyos sa moral.
^ O “nagin agom niya.”
^ Sa literal, “agihan.”
^ Sa literal, “minaduman.”
^ O “an saro na pinagdadanay an integridad.”
