Salmo 65:1-13
Para sa direktor nin musika. Salmo ni David. Sarong kanta.
65 An pag-umaw sa saimo, O Diyos, naghahalat sa Sion;+Samuyang uutubon an mga promesa niyamo sa saimo.+
2 O Paradangog nin pamibi, mapasiring sa saimo an gabos na klase nin tawo.*+
3 Nadaog ako kan sakong mga sála,+Alagad tinahuban mo an samong mga pagkakasala.+
4 Maugma an saro na pinipili asin irinarani moTanganing mag-istar sa saimong mga patyo.+
Makokontento kami kan karahayan kan harong mo,+An saimong banal na templo.*+
5 Sisimbagon mo kami paagi sa makangangalas na mga gibo+ nin katanusan,O Diyos nin samong kaligtasan;Ika an Kumpiyansa kan gabos na sagkudan kan daga+Asin kan mga nasa harayo sa balyo kan dagat.
6 Inestablisar mo* nin marigon an kabukidan paagi kan saimong kapangyarihan;Nagugubingan ka* nin kakusugan.+
7 Pinapakalma mo* an nag-aalimbukay na mga dagat,+An pagsalpok kan saindang mga alon asin an grabeng kariribukan kan mga nasyon.+
8 An mga nakaistar sa harayong mga lugar mamumungnan huli kan saimong mga tanda;+Papangyarihon mong magkururahaw na may kaugmahan an mga tawo puon sa sirangan sagkod sa sulnupan.*
9 Inaataman mo an daga,Ginigibo mo iyan na magin abunda sa bunga* asin matabang marhay.+
An sapa na hali sa Diyos pano nin tubig;Tinatawan mo sinda nin mga tipasi,+Huling inandam mo an daga sa arog kaiyan na paagi.
10 Pinapatubigan mo an mga kali-kali kaiyan asin pinapantay an mga inaradong daga* kaiyan;Pinapalumoy mo iyan paagi sa uran; binebendisyunan mo an mga nagtutubo diyan.+
11 An taon kinokoronahan mo kan saimong karahayan;An saimong mga agihan nagsusupay sa abundansiya.*+
12 An mga pasabsaban sa kaawagan abunda sa preskong mga duot,*+Asin an mga bulod nagugubingan nin kaugmahan.+
13 An mga pasabsaban pano nin mga aripumpon,An mga kababan* natatahuban nin mga tipasi.+
Sinda nagkukururahaw na may kaugmahan, iyo, sinda nagkakarantahan.+
Mga Nota
^ Sa literal, “an gabos na laman.”
^ O “santuwaryo.”
^ Sa literal, “niya.”
^ Sa literal, “siya.”
^ Sa literal, “niya.”
^ O “puon sa pagsirang sagkod sa pagsulnop kan aldaw.”
^ Sa literal, “na magsupay.”
^ O “mga limpa.”
^ Sa literal, “nagtuturo sa katabaan.”
^ O “padagos na nagsusupay.” Sa literal, “padagos na nagtuturo.”
^ O “hababang kapatagan.”
