Salmo 143:1-12
Salmo ni David.
143 O Jehova, danguga an pamibi ko;+Dangugon mo an pakiulay ko nin paghagad nin tabang.
Sa saimong kaimbudan asin sa saimong katanusan, simbagon mo ako.
2 Dai mo pagdarahon sa atubangan kan saimong korte an lingkod mo,Huling mayo nin nabubuhay an puwedeng magin matanos sa atubangan mo.+
3 Huli ta linalapag ako* kan kalaban;Rinunot niya sa daga an sakuyang buhay.
Pinapag-istar niya ako sa kadikluman arog kan mga haloy nang gadan.
4 Nagluluya an sakong espiritu;*+Bagol na sa laog ko an sakong puso.+
5 Ginigirumdom ko an mga aldaw kan suanoy;Hinuhurop-hurop ko an gabos mong ginigibo;+Entusiyastiko kong pinag-iisipan* an gibo kan mga kamot mo.
6 Inuunat ko sa saimo an mga kamot ko;Garo ako* alang na daga na napapaha sa saimo.+ (Selah)
7 Simbagon mo tulos ako, O Jehova;+An kusog* ko ubos na.+
Dai mo itago sa sako an saimong lalawgon,+Ta kun iyo, magigin arog ako kan mga minababa sa kalot.*+
8 Ipadangog mo sa sako an saimong maimbod na pagkamuot pagkaaga,Huling nagtitiwala ako sa saimo.
Ipaaram mo sa sako an dalan na dapat kong lakawan,+Huling sa saimo ako minadulok.*
9 Iligtas mo ako sa sakong mga kalaban, O Jehova.
Sa saimo ako minadulok para sa proteksiyon.+
10 Tukduan mo ako na gibuhon an kabutan mo,+Huli ta ika an sakuyang Diyos.
Marahay an saimong espiritu;Lugod na giyahan ako kaiyan sa patag na daga.*
11 Alang-alang sa saimong pangaran, O Jehova, papagdanayon mo akong buhay.
Sa saimong katanusan, iligtas mo ako* sa kasakitan.+
12 Sa saimong maimbod na pagkamuot, tarapuson* mo an mga kalaban ko;+Garadanon mo an gabos na nang-aatake sa sako,*+Huling lingkod mo ako.+
Mga Nota
^ O “an kalag ko.”
^ O “kusog.”
^ O “pinag-aadalan.”
^ O “An kalag ko garo.”
^ O “lubungan.”
^ Sa literal, “espiritu.”
^ O “sa saimo ko itinataas an kalag ko.”
^ O “sa daga nin katanusan.”
^ O “an kalag ko.”
^ Sa literal, “pasilensiyuhon.”
^ O “sa kalag ko.”
