Isaias 57:1-21
57 An sarong matanos nagadan,Pero mayo nin siisay man na nagsasapuso kaiyan.
An mga maimbod kinukua,*+Pero mayo nin nakakasabot na an sarong matanos kinuaNin huli kan* kapahamakan.
2 Minalaog siya sa katuninungan.
Nagpapahingalo sinda sa saindang mga higdaan,* sinda gabos na naglalakaw nin matanos.
3 “Pero kamo, magrani kamo,Kamong mga aking lalaki nin babaying parakulam,Kamong mga aki nin parasambay asin nin hostes:*
4 Siisay an saindong pinagngingisihan?
Laban kiisay nindo ibinubukang marhay an saindong nguso asin idinidiwal-diwal an saindong dila?
Bakong kamo an mga aki nin paglapas,Mga aki nin pandadaya,+
5 Idtong mga naglalaad an hurot sa tahaw nin mga darakulang kahoy,+Sa sirong nin lambang marambong na kahoy,+Na mga nanggagadan kan mga aki sa mga kababan,*+Sa irarom kan mga gaak nin mga dakulang gapo?
6 Pinili mo an makikinis na gapo sa kababan* na magin saimong kahirasan.+
Iyo, an mga iyan an saimong kabtang.
Dawa sa sainda nagbububo ka nin mga dulot na inumon asin nagdudulot nin mga regalo.+
Dapat ko daw na ikaugma an* mga bagay na iyan?
7 Sa ibabaw nin bukid na halangkaw asin nakakalabaw inandam mo an saimong higdaan,+Asin nagtukad ka diyan tanganing magdulot nin atang.+
8 Sa likod kan pinto asin kan poste kan pinto ibinugtak mo an saimong nagpapagirumdom na simbolo.
Binayaan mo ako asin naghuba ka;Nagsakat ka asin pinahiwas mo an saimong higdaan.
Asin nakipagtipan ka sa sainda.
Gustong-gusto mong magtaid sa sainda sa higdaan,+Asin pinagmasdan mo an ikinabuhay kan lalaki.*
9 Buminaba ka pasiring ki Melec* na may darang lanaAsin kadakul na pahamot.
Pinaduman mo sa harayo an saimong mga sugo,Kaya buminaba ka sa Lubungan.*
10 Nagparapagal ka sa pagsunod sa saimong dakul na dalan,Pero dai mo sinabi, ‘Mayo nang paglaom!’
Nakamati ka nin panibagong kusog.
Iyan an dahilan kaya dai ka minapundo.*
11 Kiisay ka nagtatakig asin natatakotKun kaya nagpuputik ka na?+
Dai mo ako ginirumdom.+
Mayo kang ano man na isinapuso.+
Huli daw ta nagdanay akong silensiyo asin daing girong*+
Kun kaya dai ka nagpahiling nin pagkatakot sa sako?
12 Ihahayag ko an saimong ‘katanusan’+ asin an saimong mga ginibo,+Asin dai ka makikinabang sa mga iyan.+
13 Pag maghagad ka nin tabang,Dai ka ililigtas kan mga idolong tinipon mo.+
Ipapalid gabos iyan nin sarong duros.Ipapadpad an mga iyan nin saro sanang hinangos,Pero an saro na nagpapaili sa sako magmamana kan dagaAsin magigin sadiri niya an sakuyang banal na bukid.+
14 Igwa nin masabi, ‘Maggibo* kamo, maggibo kamo nin* tinampo! Andama nindo an dalan!+
Halia nindo an ano man na ulang sa dalan kan sakuyang banwaan.’”
15 Huli ta ini an sabi kan Halangkaw asin Halangkawon na Diyos,Na nabubuhay* sagkod lamang+ asin na an pangaran banal:+
“Nag-iirok ako sa halangkaw asin banal na lugar,+Pero kaiba man ako kan mga may runot asin mapakumbabang espiritu,Tanganing pakusugon giraray an espiritu kan mga hamak na tawoAsin tanganing buhayon giraray an puso kan mga lupaypay.*+
16 Huli ta dai ako magigin tumang sa sainda sagkod lamangO pirming magdadanay na anggot;+Huling mangluluya an espiritu nin sarong tawo dahil sa sako,+Pati an mga naghahangos na linalang na ginibo ko.
17 Naanggot ako sa saiyang kasalan, sa paghihinguwa niyang makakua nin pakinabang sa madayang paagi,+Kaya hinampak ko siya, itinago ko an sakong lalawgon, asin naanggot ako.
Pero padagos siyang naglakaw na sarong matinumang,+ na sinusundan an dalan kan saiyang puso.
18 Nahiling ko an saiyang mga dalan,Pero papaumayan ko siya+ asin gigiyahan+Asin rarangahon ko siya giraray*+ pati an nagmumundo niyang mga kaibanan.”+
19 “Linalalang ko an bunga kan mga ngabil.
Nagdadanay na katuninungan an itatao sa saro na nasa harayo asin sa saro na nasa harani,”+ an sabi ni Jehova,“Asin papaumayan ko siya.”
20 “Alagad an mga maraot siring sa maalon na dagat na dai minakalma,Asin an mga tubig kaiyan padagos na pinapauruulanto an duot sa dagat asin an lapok.
21 Mayo nin katuninungan,” an sabi kan sakuyang Diyos, “para sa mga maraot.”+
Mga Nota
^ An buot sabihon, nagagadan.
^ O posibleng “Hali sa.”
^ An buot sabihon, sa lubungan.
^ O “patutot.”
^ O “sulugan na kababan.”
^ O “Dapat daw akong maranga sa.”
^ O “sulugan na kababan.”
^ Posibleng nanunungod sa pagsamba sa idolo.
^ O posibleng “sa hadi.”
^ Sa literal, “napapagal.”
^ O “asin itinago an mga bagay-bagay.”
^ O “Magtambak.”
^ O “magtambak kamo nin daga para magin.”
^ Sa literal, “runot.”
^ O “nag-iirok.”
^ O “Asin babayadan ko siya nin karangahan.”
