Fluwa ng’ɔ suan “ Voyez le bon pays ” ɔ ti Biblu’n nun likalika’m be desɛn fluwa. Ɔ kwla uka wɔ naan kɛ á súan Biblu’n nun like’n w’a wun ndɛ’m be wlɛ kpa. Be kannin lika nin klɔ nin nvle kaka be ndɛ Biblu’n nun. Likalika’m be desɛn fluwa’n kwla uka wɔ naan ndɛ’n w’a yo weiin ɔ akunndan’n nun. Fluwa “ Voyez le bon pays ” ɔ́ úka wɔ naan w’a wun lika nga Biblu’n nun sa wie’m be juli’n. Yɛ ɔ́ úka wɔ maan á wún i kɛ lika nga sa’m be juli’n ɔ ti cinnjin.

Likalika nga be kannin be ndɛ Biblu’n nun’n be su desɛn nglanmannglanman o fluwa “ Voyez le bon pays ” nun. Be kwla uka ɔ kpa Biblu’n nun like suanlɛ’n nun.

Biblu’n nun likalika’m be desɛn fluwa ɔ́ yó maan

• á wun lika fanunfanun nga Abraamun in Izaaki yɛ Zakɔbu be sinnin be nun’n

• á wún atin nga kɛ Izraɛlifuɛ’m be fin Ezipti bé kɔ́ nvle nga Ɲanmiɛn waan ɔ́ fá mán be nun’n be sinnin nun’n

• á wún kan nga Izraɛli nvle’n nin i kpɔfuɛ’m be o’n

• á wún lika nga i nun mɔ Zezi bó jasin fɛ’n ɔ ɔli be nun’n

• á wún wafa nga nvle kɛ Babilɔnin nin Glɛsi ɔ nin Rɔmun mɔ be ɲannin kwlalɛ kpa’n be fa cɛn ju’n

A kwla ɲan Biblu’n nun likalika’m be desɛn fluwa sɔ’n blɔfuɛ nun ƐNTƐNƐTI SU FLUWA SIEWLƐ Watchtower su. Be yomɛn i atɛ.