?Ngue yɛle Ɲanmiɛn Sielɛ’n?

Ndɛ nga Biblu’n kan’n

Ɲanmiɛn Sielɛ’n ti awa jrɛiin kun mɔ Ɲanmiɛn Zoova takali-ɔ. Biblu’n nun’n, be flɛ “Ɲanmiɛn Sielɛ’n” i ekun kɛ “ɲanmiɛn su lɔ Famiɛn Diwlɛ’n,” afin ɔ o ɲanmiɛn su lɔ. (Marki 1:14, 15; Matie 4:17) Kannzɛ ninnge wie’m be nun’n, Ɲanmiɛn Sielɛ’n fa klɔ sran’m be awa mun i kan’n, sanngɛ ɔ ti kpa tra be liɛ’n lele.

I siefuɛ mun. Ɲanmiɛn kpali Zezi Klisi kɛ ɔ yo Sielɛ sɔ’n i su Famiɛn yɛ kwlalɛ ng’ɔ fa mɛnnin i’n ɔ tra klɔ sran’m be kwlaa be liɛ’n. (Matie 28:18) Zezi fa kwlalɛ sɔ’n fa yo ninnge kpakpa mun ngunmin. W’a dun mmua w’a kle kɛ ɔ ti Siefuɛ kun mɔ be kwla lafi i su-ɔ, naan ɔ si aunnvuɛ dan. (Matie 4:23; Marki 1:40, 41; 6:31-34; Liki 7:11-17 7) Ɲanmiɛn mannin Zezi i atin kɛ ɔ kpa sran wie mun nvlenvle’m be kwlaa be nun kɛ be wɔ ɲanmiɛn su naan be nin i ‘di famiɛn, yɛ be sie asiɛ’n.’—Sa Nglo Yilɛ 5:9, 10.
I blɛ’n. Ɲanmiɛn Sielɛ’n timan kɛ klɔ sran’m be awa mɔ andɛ be o lɛ kpɛkun ainman be nunman lɛ kun’n sa. I liɛ’n, “be su nunnunmɛn i le.”—Daniɛli 2:44
I sran mun. Sran kwlaa ng’ɔ yo Ɲanmiɛn i klun sa’n, sɛ ɔ fin osu benin nun-e, sɛ ɔ fin klɔ benin su-e, ɔ kwla kaci Ɲanmiɛn Sielɛ’n i sran.—Sa Nga Be Yoli’n 10:34, 35.
I mmla mun. Ɲanmiɛn le mmla wie mun. Sanngɛ mmla sɔ’m be tanninman ayeliɛ tɛtɛ mun ngunmin. Be kwla uka e naan e nzuɛn’n w’a yo kpa wie. I wie yɛle kɛ Biblu’n se kɛ: “‘Fa ɔ awlɛn’n kwlaa, ɔ nin ɔ nguan’n kwlaa, ɔ nin ɔ akunndan’n kwlaa fa klo Zoova m’ɔ ti ɔ Ɲanmiɛn’n.’ I yɛ ɔ ti mmla’n i nun dan’n nin i klikli’n niɔn. I nɲɔn su m’ɔ fɛ i’n, yɛ ɔ o yɛ: ‘Klo ɔ wiengu kɛ a fa klo ɔ bɔbɔ wun’n sa.’” (Matie 22:37-39) Kɛ mɔ e klo Ɲanmiɛn nin e wiengu mun’n ti’n, e yo ninnge nga be kwla yo e wiengu’m be ye’n.
I like ng’ɔ kle’n. Ɲanmiɛn Sielɛ’n le mmla wie mun sɔ. Sanngɛ kusu ɔ kle sran mun wafa nga be kwla nanti mmla sɔ’m be su’n wie.—Ezai 48:17, 18.
I junman’n. Ɲanmiɛn Sielɛ’n i siefuɛ’m be wuaman sran nga be sie be’n. Sanngɛ be di junman naan Ɲanmiɛn i klun sa’n kpɛn su. I wie yɛle kɛ Ɲanmiɛn klo kɛ asiɛ’n kaci lika klanman naan be nga be klo i’n be tran nguan nun tititi i su.—Ezai 35:1, 5, 6; Matie 6:10; Sa Nglo Yilɛ 21:1-4.

Ndɛ uflɛ wie mun

Ɲanmiɛn Sielɛ’n Kosan mɔ biblu’n tɛ be su’n

Ninnge wie mɔ be kwla yo ɔ fɛ ekun'n

NINNGE CINNJIN NGA BIBLU’N KLE BE’N

?Ngue yɛ be flɛ i Ɲanmiɛn Sielɛ’n niɔn?

I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.

SASAFUƐ TRANWLƐ'N

?Wan yɛ ɔ ti Ɲanmiɛn Sielɛ’n i su famiɛn’n niɔn?

Be nga be klɛli Biblu’n be nun sunman be klɛli sran ng’ɔ́ wá yó Ɲanmiɛn i Famiɛn Diwlɛ’n i su famiɛn’n i su ndɛ wie mun. Kɛ ɔ fɛ i laa lele andɛ’n, sran kunngba cɛ yɛ ɔ kleli kɛ ɔ kwla sie klɔ sran’m be kpa-ɔ.