AMUN ƝIN TRAN SU!
Ikrɛnin lɔ alɛ’n ti’n aliɛ ndɛ’n w’a yo kekle kpa ekun
Afuɛ 2022 Mɛ i le 19 su’n, Anuannzɛ nga be flɛ i ONU i aɲia kun bo’n, sran dandan 75 tra su be seli kɛ “koronavirisi’n nin nzue m’ɔ tɔman kpa’n ti’n aliɛ ɲanlɛ’n w’a yo kekle. Sanngɛ Ikrɛnin lɔ alɛ’n wá yó maan ɔ́ yó kekle kpa ekun.” I sin’n, fluwa kun seli kɛ “mɛn’n ti kekle laa, sanngɛ alɛ’n wá yó maan aliɛ ndɛ’n wá yó kekle kpa ekun.” (The Economist) Biblu’n seli kɛ e blɛ liɛ nga nun’n, awe’n wá kpɛ́n. Sanngɛ kusu ɔ uka e naan y’a kwla jrɛn i ɲrun kekle.
Biblu’n seli kɛ awe’n wá kpɛ́n
Zezi seli kɛ: “Nvle kun wá jáso nvle kun wun. Yɛ famiɛn kun wá jáso famiɛn uflɛ wun. Asa kusu’n, awe’n wá kpɛ́n.”—Matie 24:7.
Biblu’n nun fluwa nga be flɛ i Sa Nglo Yilɛ’n, ɔ kan sran nnan mɔ be o nnɛn kpanngɔ su’n be ndɛ. Be nun kun ti alɛ’n i nzɔliɛ. Kun ng’ɔ su i su’n, ɔ ti awe’n i nzɔliɛ. I sɔ’n kle kɛ blɛ wie nun’n, aliɛ ɲanlɛ’n yó kekle. Ɔ maan bé wá úka aliɛ’n i gua’n su. Biblu’n se kɛ: ‘N wunnin nnɛn kpanngɔ ble tuun kun. Toe kun wo sran ng’ɔ ti su’n i sa nun. N tili like kun ngan. Ɔ tɛ kɛ sran kun nɛn sa. […] Ɔ seli kɛ: ‘Ble kilo kun ti denie kun, ɔɔzu kilo nsan ti denie kun. Sanngɛ nán an yo olivie ngo’n nin duvɛn’n be finfin.’’—Sa Nglo Yilɛ 6:5, 6.
Biblu’n nun ndɛ sɔ’m be su kpɛn su e blɛ liɛ nga mɔ Biblu’n flɛ i kɛ “mɛn’n i awieliɛ blɛ’n” i nun. (2 Timote 3:1) Sɛ ɔ waan á sí “mɛn’n i awieliɛ blɛ’n” nin sran nnan mɔ be ti nnɛn kpanngɔ su mɔ Sa Nglo Yilɛ fluwa’n kan be ndɛ’n, be su ndɛ kpa ekun’n, nian video Le monde a changé depuis 1914 yɛ kanngan ndɛ nga nun “?Ngue yɛ sran nnan sɔ’m be ti be nzɔliɛ-ɔ?”
Wafa nga Biblu’n kwla uka e’n
Biblu’n man e afɔtuɛ kpakpa wie mɔ be kwla uka e naan y’a jran sa’m be ɲrun kekle’n. Sa sɔ’m be nun wie yɛle aliɛ mɔ be ukɛ i gua’n su’n ɔ nin aliɛ ndɛ m’ɔ yo kekle’n. Afɔtuɛ kpakpa sɔ’m be nun wie’m be o ndɛ nga nun “Comment vivre avec moins.”
Asa’n, Biblu’n maan e wla o like kpa kun su. Ɔ ta e nda kɛ cɛn wie lele’n, ‘ble nin i wunsu ninnge’m bé bú asiɛ’n su.’ Ɔ maan sran kwlakwla ɲán aliɛ dí. (Jue Mun 72:16) Sɛ ɔ waan á sí Biblu’n nun ndɛ fɛfɛ sɔ’n ɔ nin like nga ti yɛ e kwla lafi su’n be su ndɛ kpa ekun’n, kanngan ndɛ nga nun “Une espérance réelle pour des jours meilleurs.”
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Nzɔliɛ onin yɛ ɔ kle kɛ e o “mɛn i awieliɛ blɛ’n” nun-ɔn?
Biblu’n kannin ninnge kaka mɔ bé klé e o mɛn’n i awieliɛ blɛ’n nun’n be ndɛ.
NINNGE CINNJIN NGA BIBLU’N KLE BE’N
?Ngue ti yɛ Ɲanmiɛn yaci sran’m be lɛ mɔ be wun ɲrɛnnɛn-ɔn?
Wafa nga Biblu’n tɛ su’n ɔ cici sran wla.
