Jue Mun 94:1-23
94 Ee Ɲanmiɛn Zoova, wɔ mɔ a tu klunngbɔ’n,+ee Ɲanmiɛn, wɔ mɔ a tu klunngbɔ’n, kpaja!
2 Ee, wɔ mɔ a ti asiɛ’n i jɔlɛ difuɛ’n, jaso.+
Sa nga wun tufuɛ’m be yo’n, fɛ i ti akatua’nman be.+
3 ?Ee Zoova, cɛn benin ko naan klunwifuɛ mun,cɛn benin ko naan klunwifuɛ’m b’a yaci aklunjɔɛ dilɛ?+
4 Be ijɔ fiaii, yɛ be ijɔ dandan.
Sa tɛ yofuɛ’m be kwlaa be di be nuan.
5 Ee Zoova, be tin ɔ sran’mbe su,+yɛ be mianmian ɔ aja like’n.
6 Be kun angbeti bla’n ɔ nin aofuɛ’n,yɛ be kun ba nga be leman si’n.
7 Be se kɛ: “Ya wunmɛn i.+
Zakɔbu i Ɲanmiɛn’n ɔ sieman sa sɔ’n i nzɔliɛ.”+
8 Amun mɔ amun wunman sa wlɛ’n, maan amun wun ndɛ nga i wlɛ.
?Amun mɔ amun ti sinnglinfuɛ’n, cɛn benin yɛ amún yó akunndanfuɛ-ɔ?+
9 ?Sran ng’ɔ yili be sukpɔ’n, ɔ kwlá timan sa?
?Yɛ sran ng’ɔ yili be ɲinma’n ɔ kwlá wunman ase?+
10 ?Sran m’ɔ tu nvlenvle’m be fɔ’n, ɔ kwlá ijɔman sran?+
I yɛ ɔ yo maan nvlenvle’m be si sa-ɔ!+
11 Zoova si klɔ sran’m be klun akunndan’n.
Ɔ si kɛ be ti aunmuan ngbɛn.+
12 Ee Ya, sran mɔ a tu i fɔ’n i liɛ su ti ye.+
A fa ɔ mmla’n kle i like,+
13 naan ɲrɛnnɛn blɛ nun’n i wla w’a gua ase fɔuun,lele naan klunwifuɛ’m b’a tɔ kunman kun nun.+
14 Afin Zoova su yimɛn i sran’m be ase,+ɔ su yimɛn i aja like’n i blo.+
15 Afin jɔlɛ dilɛ nanwlɛ su’n ɔ́ táka ekun,yɛ be kwlaa nga be awlɛn ti kpa’n, bé nían su bé nánti.
16 ?Wan yɛ ɔ́ jáso klunwifuɛ’m be wun mán min-ɔn?
?Wan yɛ ɔ́ jrán sa tɛ yofuɛ’m be ɲrun mán min-ɔn?
17 Sɛ ɔ ti kɛ Zoova w’a ukaman min’n,nn n wuli w’a cɛ.+
18 Kɛ n seli kɛ: “Min ja’n su seli’n,”
Zoova, ɔ sran klolɛ dan’n suannin min bo titi.+
19 Kɛ ngokɔɛ’n tinnin min su’n,a fɔnvɔli min, yɛ a yoli maan min wla guali ase.+
20 ?Siefuɛ* nga be di ndrunmun mɔ be jran mmla’n su be fa ɲrɛnnɛn yi i sran’m be su’n,a nin be amun nuankwla sɛ?+
21 Be yo sran kpa’n i tɛtɛ,+yɛ be bu sran nga w’a yoman like fi’n i fɔ kɛ be kun i.+
22 Sanngɛ Zoova káci min fiawlɛ kpa,min Ɲanmiɛn’n ti min fiawlɛ yɔbuɛ.+
23 Ɔ́ yó maan sa tɛ nga bé yó’n, ɔ́ tɔ́ be bɔbɔ be su.+
Be bɔbɔ be sa tɛ nga be yo’n yɛ ɔ́ fá núnnún be-ɔ.
E Ɲanmiɛn Zoova wá núnnún be.+
Ja ngua lɔ ndɛ mun
^ Annzɛ “Jɔlɛ difuɛ.” Ebr., “Famiɛn bia.”
