Ezai 4:1-6
4 Cɛn sɔ’n nun’n, bla nso bé trá bian kun,+ kpɛkun bé sé i kɛ:“É dí e bɔbɔ e kpanwun,yɛ é wlá e bɔbɔ e tralɛ mun,ɔ li man e atin naan be fa ɔ dunman’n be sie e sunaan e titi e ɲrun ɲannzuɛn’n.*+
2 Cɛn sɔ’n nun’n, like nga Zoova wá yó maan ɔ́ fífí’n, ɔ́ yó ɲɛnmɛn kpɛkun ɔ́ ɲán ɲrun. Izraɛlifuɛ nga be kali lɛ’n, bé fá nvle’n nun ninnge’m be su mma’m bé dí be nuan, yɛ bé ɲán kɔmin.+
3 Be kwlaa nga bé ká Siɔn mɔ bé yáci be lɛ Zerizalɛmun lɔ’n, be kwlaa nga be klɛli be dunman Zerizalɛmun lɔ kɛ be ka nguan nun’n,+ bé yó Ɲanmiɛn liɛ klonglo.
4 Kɛ Zoova wá fá jɔlɛ dilɛ wawɛ’n nin like yralɛ wawɛ’n+ ɔ́ fá kpló Siɔn i mma bla’m be wun fiɛn’n*+ m’ɔ́ fá sálo Zerizalɛmun lɔ mmoja’n,
5 Zoova wá yó maan wia nun’n ɲanmiɛn ble kun, ɔ nin sin wunsrɛn bé trán Siɔn Oka wunmuan’n, ɔ nin i aɲia yowlɛ lika’m be su. Yɛ nnɔsua’n sin kun m’ɔ kpaja kpa’n ɔ́ trán be su,+ afin like kun káta lika kwlaa sɔ m’ɔ ti kpa dan’n i su.
6 Wia nun’n kpata kun mán be fɔnvɔ naan wia’n w’a boman be su,+ yɛ ɔ́ yó be fiawlɛ kpɛkun ɔ́ sásá be seke’n ɔ nin nzue m’ɔ tɔ’n be lika.+
Ja ngua lɔ ndɛ mun
^ Yɛle kɛ, ɲannzuɛn nga kɛ bla kun leman bian annzɛ ba’n ɔ wun i’n.
^ Ebr., “sewie’n.”
