Mghetso môk te be mtadye tchôsi pe. Mo te bé wap te wap lé bemte pe. Paʼ dendze bemte mkritè a, pou tchi pô be wap tchente be mso pou a Jéova ge wap pe mbyap dze bemte Si. (Mfaʼ 20:28) Mghetso bô be pô be wap tchente kwye tchum jwégne, be de tse dze ne mfaʼ bemte pou a ne lé mfe. Wap te tchya wap ‘m paʼ pou thôm wap tôm a pe, wap tchya wap pou a tum pepoung kwaʼ paʼ Si tcheng a. Wap te de ghiʼgne te ne tchya wap pe, wap tchente tchya wap ne goung tum tsap awè.ʼ (1 Pètro 5:1-3) Wap faʼ ke ne dé wôk?

Wap dé wôk neng be bômte wôk. Mghetso daʼte medjye, bômte neng kwite bemte ne pe beng Si. Paʼ wap jye ge Si ne ha faʼ tuôdeng bô bi pou a, wap te khwôʼ dem pye pe; wap kwite wôk ne pe a pepoung neng ŋwègne. (2 Korinto 1:24) Kwaʼ paʼ taʼ byap dze tchente dé bayale ne mjuju pye a, wap thela ne tchente jye bayale ne pô tchum bemte.​—Proverbes 27:23.

Wap dagne wôk ne ghe ywe ye Si tcheng a. Ne baya gapdzu le, mghetso tchye mtchouʼte bemte, ne ne kwiʼ pintum yôk. (Mfaʼ 15:32) Paʼ wap be pô be ha ne yap awè a, wap be ba tse dze ne faʼ ne sing tchoung pepoung, be faʼ pou a wôk neng dagne wôk paʼ pye fing ne tchente sing tchoung pepoung ne goung mtchi awè a.

Wap ha kaktuô bi bawele ne pye. Mghetso gômte pou a wôk Dye Nefo, ke sôʼ ba m dye pye dé wôk le, ne kwite bawele ne pye ne kwiʼ ye ne pe mso pou a Jéova. Ywe ye wap tcheng a be ne kwite wôk, ba ne ne le Bible ha kaktuô bi pye.​—Yakop 5:14, 15.

Mghetso te be wap ghe daʼ faʼ ne lé bemte pe. Boʼgwye ne pou faʼ, be wap neng gre ba taʼ toundye ye a tcheng ge wap le tam ne dé a. A tcheng kwaʼ ge pou pe ha mkouʼ mfe bô pye wap “djô goʼ” ne tse yôk a.​—1 Tésalonika 5:12, 13.

• Faʼ mghetso tchum bemte be ke?

• Mghetso gre la te ne kwite bawele ne pye?