JIʼTE 32
Nefo Si bo saʼ tchwelô !
Nefo le thoʼ ne saʼ m kèbeng ne gouʼ 1914. A neng be ba tchwe ye mjuôjum mtyèʼdzu ne ye ne saʼ momsoung le toʼ a. Pe jye ya m ge ke ? Pe gô yô ywe ye Bible le tchwadzu gôm a, ywe ye a bo tchyete tchum dzu a, ba tchi paʼ pômneng bo ne gre te fe ne 1914 a.
1. Bible le tchwadzu gôm ge ke ?
Ŋwaʼgne Danièl tchum Bible le laʼte ge, Nefo Si le gô toʼ ne saʼ tchwe ye taʼ tchwedzu pou pe khé ya ge “mtam sômbue” le gô mi a. (Danièl 4:16, 17) Medou mgouʼ kre le tchye, Yéso ping gôm nwe pe ne tchwedzu bô paʼ “ye tchwedzu pe te pe pe Youdéa” a. É le neng jiʼte ge tchwedzu bô le be a ka woung mi. (Loukasi 21:24) Paʼ pe gô yô a, mtam sômbue bô le mi ne gouʼ 1914.
2. Te fe ne 1914, ke bo tchyete tchum dzu ? Pômneng neng bo gre m ge ke ?
Pekhu Yéso le hente bii ge : “Sing wôk . . . mting mye a gô sôʼ laʼte you tchwe a, ba tchwe ye dzu gô mi a” (Matio 24:3) Yéso le ne paʼ, gôm medou potse tsye a le gô tchyete, tchwe ye a le gô pe be é toʼ ne saʼ paʼ Fo Nefo Si a. She ne potse bô be mshou, mkeyaʼ ba tchaʼ ne tuʼgne. (Ké Matio 24:7.) Bible le ping tchwadzu gôm ge tchi paʼ pômneng le gô ghe tchum “mtyèʼdzu jum” a, le gô ghe ge “mtchwe dzu thuôtuô pe we.” (2 Timotio 3:1-5) Pou le tchente thoʼ ne yô potse tseng tsye a le gô tchyete a ne 1914.
3. Nweke be dzu ping tchente bôk téʼ te fe paʼ Nefo Si thoʼ ne saʼ a ?
Mou deng tam le tchye paʼ Yéso ji Fo Nefo Si a, é loʼ shou kèbeng pou a Sata ba mjwégne tchwepoung. Sata le pi shou bô. Bible gôm ge “pou le kwôk é maʼ si pou a goung pe angelé pye awè.” (Apokalipse 12:9, 12) Sata bo tchente djèloung téʼ, nekele é jye ge pou gô ti simgne é. Poʼo, é gre ge goʼ ba mgheghô pe ne goung demtchaʼ awè. Ya bô kwite wôkpe ne youʼ nweke dzu be a pôk deng poʼ a ! Nefo Si gô ti nyapte goung mnwe bô awè.
PING TCHENG NE GÔ DZE
Yô tchi paʼ pou ne jye ge Nefo Si le toʼ ne saʼ ne 1914 a, ba ywe ye a gô tsegne wôkpe ne ghe a.
4. Tchi paʼ pou ne sè te khem ne 1914 a
Naboukodonozôr fo Babilôn tchwedze, le yô taʼ jum ye Si le tchye m ne daʼte é ywe ye a le gô tchyete tchum mtyèʼdzu dze a. Pou khé jum bô, ba tchi paʼ Danièl le ne thoute ya bô a tchum Bible. Pou tchente djô ge jum bô le bo dé nefo Naboukodonozôr, ba Nefo Si.—Ké Danièl 4:17. *
Ké Danièl 4:20-26, Neng gwim tablo ne ne baʼ nwe ne mhente menge :
-
(A) Naboukodonozôr le yô ke tchum jum é ?—Lé mkhè 20 ba 21.
-
(B) Ke le gô ŋwak ne taʼtse ?—Lé khè 23.
-
(C) Ke le gô ŋwak tchwe ye “mtam sômbue” le gô mi a ?—Lé khè 26.
Jum ne taʼtse dé Nefo Si m tchi ge ke ?
GHÔM GAMDOʼ (Danièl 4:20-36)
Pou bo saʼ
(A) Taʼ taʼtse gwye
Ne saʼ tingne
(B) “Po yaʼ taʼtse,” neng thak ge “mtam sômbue tchye”
Pou ping thoʼ ne saʼ
(C) “Pou gô sôʼ paʼ nefo o bou”
Tchi paʼ a le lendze dogne a . . .
-
(D) Taʼtse le bo tchouʼgne ne we ? —Lé khè 22.
-
(E) Ye ne saʼ le tingne tchweke ? —Ké Danièl 4:29-33.
-
(F) Ke le ŋwak ne Naboukodonozôr tchwe ye “mtam sômbue” le mi a ? —Ké Danièl 4:34-36.
TCHI PAʼ A LE LENDZE DOGNE A
Pou bo saʼ
(D) Naboukodonozôr, fo Babilôn
Ne saʼ tingne
(E) Tchwe ye gouʼ 606 te yôkpe wôdzu toʼ, tchye a, Naboukodonozôr thoʼ ne pue, poʼo é ka ping khouʼgne ne saʼ ne mgouʼ sômbue
Pou ping thoʼ ne saʼ
(F) Naboukodonozôr yaʼ ne pue, neng bing thoʼ ne saʼ
Bate tchi paʼ a ne dogne a . . .
-
(G) Taʼtse le bo tchouʼgne ne we ? —Ké 1 Mtchoung Israèl 29:23.
-
(H) Yap ne saʼ le tingne tchweke ? Pe de ke jye ge wap late bo saʼ tchwe ye Yéso le be demtchaʼ a ? —Ké Loukassi 21:24.
-
(I) Ye bô ne saʼ le bing thoʼ tchweke ba m ha ?
BATE TCHI PAʼ A NE DOGNE A
Pou bo saʼ
(G) Mfo Israèl pye wap daʼte ye ne saʼ Si a
Ne saʼ tingne
(H) Pou simgne Yérousalèm. Mkregne fo Israèl tingne ne mgouʼ 2520
Pou ping thoʼ ne saʼ
(I) Yéso ji Fo Nefo Si, Kèbeng
Mtam sômbue le gô tchwe deng ge ke ?
She mjeng Bible kwite wôkpe ne youʼ pyeshe mjeng. Taʼ foʼte, ŋwaʼgne Apokalipse gôm ge mtam meta m hap, be mtyèʼ 1260. (Apokalipse 12:6, 14) Mtam sômbue be mtam meta m hap, mtchum bue, ke mtyèʼ 2520 le. She mtam, Bible gôm nwe ne taʼ tyèʼè, a pe thoute ge taʼ gouʼ. (Ézékièl 4:6) Poʼo, mtam sômbue mye a tchum ŋwaʼgne Danièl a, be mgouʼ 2520.
5. Te fe ne 1914, dzu be a kwyepgne
Yéso le tchwadzu gôm nwe ne tchi paʼ dzu le gô pe, tchwe ye a le gô pe be é ji Fo a. Ké Loukassi 21:9-11, neng gômte ne hente yenge :
-
O yô, ke djouʼ ma potse ne potse tsenge ?
Gè them Polo le ghôm nwe ne tchi paʼ pômneng le gô ne pe, tchum mtyèʼdzu jum ye ne saʼ momsoung a. Ké 2 Timotio 3:1-5, neng gômte ne hente yenge :
-
O yô pômneng wap po gre m tchi poʼ a ?
6. Ne paʼ Nefo Si bo saʼ a, gô tsegne wôkpe ne ghe ywe
Ké Matio 24:3, 14, neng gômte ne mhente menge :
-
Ya faʼ tuôdeng daʼte ge Nefo Si bo saʼ tchwelô ?
-
O fing ne tu pou ne faʼ bô m tchi ge ke ?
Nefo Si bo saʼ tchwelô. A neng tchuʼ mouywe a saʼ ne goung demtchaʼ awè. Ké Ébraika 10:24, 25, neng gômte ne hente yenge :
-
Baya mo le ne pe gô ghe la ne paʼ pe bo “djô paʼ tyèʼdzu bo sôʼ a” ?
O lagne taʼ ywe ye a fing ne kwite ke bvôk she pô a le, be a gô tsegne o ne ghe la ?
MO FING NE HENTE GE : “Nweke Mkwithè Jéova gôm ge 1914 be taʼ gouʼ tuôdeng téʼ ?”
-
O gô paʼ ge ke ?
YE NE KHAMTE
Mghôm gamdoʼ Bible, ba potse tsye a bo tchyete tchum dzu a, tchente daʼte ge Nefo Si bo saʼ tchwelô. Pe daʼte ge pe bing ya, tchye m ne ne pe sing tchoung pepoung ne Nefo, ba ne pe gô mtchouʼte bemte.
O lagne ke ?
-
Tchwe ye mtam sômbue mye ŋwaʼgne Danièl le tchwadzu gôm nwe ne a le mi a, ke le tchyete ?
-
Ke gre ge o tchente bing ge Nefo Si le toʼ ne saʼ ne 1914 ?
-
O fing ne laʼte ge o tchente bing ge Nefo Si bo saʼ tchwelô m tchi ge ke ?
YÔ SHE POTSE NE
Lagne ywe ye pe thaʼdzu, ba she pô, gôm ne potse tsye a kwyepgne tchum dzu te fe ne 1914 a.
“Depuis quand ce déclin brutal ?” (Réveillez-vous !, avril 2007)
Lagne tchi paʼ ghôm gamdoʼ ye a tchum Matio 24:14 a, le kwyepgne ye tchi ne tchwe taʼ mbè a.
“Jʼaimais le baseball plus que tout au monde !” (La Tour de Garde, no 3 2017)
Pe de ke jye ge ghôm gamdoʼ ye a tchum Danièl kam 4 a, dogne ne Nefo Si ?
Ke daʼte ge “mtam sômbue” mye Danièl kam 4 gôm nwe ne a, le mi ne 1914 ?
^ Lé mjuôjum potse mebue mye a tchum jeng “Yô she potse ne” tchum yeng jiʼte a.
