Las do rohanami makkata-hatai taringot haporseaon tu akka halak sian sude agama. Alai, dang boi hami parsidohot tu punguan ni akka agama. Didok do di Bibel, halak Kristen na sittong ikkon “dipadomu jala martomu”. Asa boi mangulahon i, ikkon sada do na dihaporseai nasida. (Epesus 4:​16; 1 Korint 1:​10; Pilippi 2:2) On dang holan satolop tu lapatan ni holong, marasi ni roha, dohot manalpuhon hasalaan. Alai, haporseaonnami ikkon marojahan tu parbinotoan na sittong sian Bibel. Molo dang, marisuang do haporseaonnami.​—Rom 10:​2, 3.

 Didok di Bibel, molo parsidohot hita tu akka ulaon ni agama na asing, gabe songon na saauga ma hita dohot nasida jala on boi manegai haporseaotta. (2 Korint 6:​14-​17) Alani i, dipasingot Jesus do akka siseanna asa unang parsidohot tu punguan ni akka agama. (Mateus 12:30; Johannes 14:6) Jala Patik ni Debata marhite si Musa, mangorai bangso Israel najolo asa unang mangulahon panombaon rappon bangso na asing. (2 Musa 34:11-​14) Akka halak Israel na marsihohot, dang olo manjalo pangurupion sian bangso na asing ala boi mambahen ramun panombaon ni nasida.​—Esra 4:​1-3.

 Boi. Songon apostel Paulus, las do rohanami mamboto taringot tu haporseaon dohot pamikkirion ni “tumorop” halak di tikki marbarita. (1 Korint 9:​19-​22) Saleleng makkata-hatai, marsitutu do hami mangulahon poda sian Bibel, na ikkon patuduhon “roha na hormat” tu ganup halak.​—1 Petrus 3:​15, Bibel siganup ari.