Dihaporseai Saksi Jahowa do Isi ni Padan na Robi?
I do. Porsea do Saksi Jahowa molo sude isi ni Bibel “sinihathon ni Debata” jala marlaba tu hangoluan. (2 Timoteus 3:16) Saluhut isi ni Bibel on jotjot digoari halak, Padan na Robi dohot Padan na Imbaru. Alai, Saksi Jahowa manggoari on Akka Bukku Heber dohot Akka Bukku Junani Kristen. Hami mamakke goar on lao patuduhon, marlakku do sude isi ni Bibel.
Boasa dihaporluhon halak Kristen Padan na Robi dohot Padan na Imbaru?
Marhite panogu-noguon ni Debata, apostel Paulus manurat, “Ai nasa tarsurat hian, bahen poda di hita.“ (Rom 15:4) Alani i, adong do poda na arga na boi tadapot sian Akka Bukku Heber. Jala sian akka bukku i, taboto ma sejarah na rikkot dohot poda na marlaba tu hita saonari.
Sejarah na rikkot. Di Akka Bukku Heber, dipaboa do taringot panompaon dohot boasa jolma mardosa. Molo dang adong hatorangan i, dang boi taboto sian dia haroroanta jala boasa jolma mate. (1 Musa 2:7, 17) Na rumikkot, di Akka Bukku Heber dipaboa do sejarah ni jolma na makkilala las ni roha dohot sitaonon na dos songon hita. Dipaboa do muse songon dia Jahowa maradoppon nasida.—Jakobus 5:17.
Poda na marlaba tu hita. Bukku Poda sian Raja Salomo dohot Parjamita na adong di Akka Bukku Heber, marisi poda na marlaba tu hita. Dipaboa do di bukku i songon dia asa martua na markeluarga (Poda 15:17), songon dia asa marlaba ulaotta (Poda 10:4; Parjamita 4:6), jala songon dia akka na poso boi marlas ni roha (Parjamita 11:9–12:1).
Asing ni i, marlaba do na taparsiajari sian Uhum ni si Musa na disurat di Bukku 1 Musa sahat tu 5 Musa. Nang pe halak Kristen dang ikkon mangulahon Uhum on, alai godang do sian i prinsip na arga na boi mambahen hita martua.—3 Musa 19:18; 5 Musa 6:5-7.
Mungkin Lomo do Rohamuna Mamboto
ALUS NI BIBEL
Tutu do si Musa Dohot Manurat Bibel?
Dohot do si Musa manurat Bibel. Piga halak do na dipillit lao manurat Bibel?
AJARAN NI BIBEL NA PENTING
Ise do Pangarang ni Bibel?
Molo jolma do na manurat Bibel, boasa didok Bibel i Hata ni Debata? Hata ni ise do na disurat di Bibel?
TARINGOT HAMI
Kunjungi Hamu ma Au
Marsiajar akka topik na sian Bibel manang mamboto taringot Saksi Jahowa.
NA JOTJOT DISUKKUN HALAK
Dibahen Saksi Jahowa do Bibel ni Nasida Sandiri?
Molo diparsiajari hamu marragam terjemahan ni Bibel boi ma lam antusanmuna ajaran ni Bibel. Adong tolu na mambahen Kitab Suci Terjemahan Dunia Baru marlaba tu parsiajaran Bibelmuna.