Dihilala Jesus do songon dia borat ni sitaonon alani hajahaton dohot ketidakadilan. Ditudu do ibana marsala, dipukkuli, dihukum hape dang marsala, jala haccit do dihilala ibana tikki digattung di hau. Alai nang pe songon i, rade do ibana “mangalehon ngoluna lao manobus godang jolma.” (Mateus 20:28; Johannes 15:13) Satokkin nai molo nungnga mamaretta Harajaon ni Debata tu tano on, lao dipaujung Jesus ma sude hajahaton dohot ketidakadilan di liat portibi on.—Jesaya 42:3.

 On ma na didok Bibel na lao bahenon ni Jesus satokkin nai:

•   “Dang adong be akka parjahat. Molo dilului ho nasida, dang juppangmu be nasida. Alai molo halak na lambok roha, dilehon do tano on gabe parbagianan ni nasida, marlas ni roha situtu ma nasida, ai dame do ngolu ni nasida.”—Psalmen 37:10, 11.

 Songon dia ma hita patuduhon pangargaion tu sude naung diulahon Jesus dohot na lao bahenonna? Di Lukas 22:19, didok Jesus do asa sai diingot akka siseanna ari hamamatena i. Alani i ma ganup taon, rap marpungu do Saksi Jahowa lao mamparningoti ari hamamate ni Jesus. Diundang hami do hamu asa dohot tu borngin Parningotan Ari Hamamate ni Jesus di ari Minggu, 24 Maret 2024.

Ida ma Didia Acara Parningotan i Diulahon