Godang do na lomo rohana asa adil ma nian dibahen tu nasida dang soal suku manang bangsona. Alai dang marna saut lomo ni roha ni nasida i.

•   “Songon racun do rasisme i. Godang do organisasi, kelompok, manang komunitas na sursar dibahen i. Jala susa do ngolu ni jolma dibahen i tiap ari. Ai alani i do gabe dang adil pambahenan ni halak tu donganna jolma.”—António Guterres, Sekretaris-Jenderal PBB.

 Boi do salpu prasangka dohot rasisme di portibi on? Aha do na didok Bibel taringot i?

 Dipaboa do di Bibel songon dia pandangan ni Debata taringot akka halak sian marragam bangso.

•   “Sian sada jolma do dibahen [Debata] sude bangso na mangingani saluhut portibi on.”—Ulaon ni Apostel 17:26.

•   “Na so marimbar jolma di jolo ni Debata. Lomo do roha ni Debata mangida ganup halak na makkabiari Ibana jala na mangulahon na sittong, dang soal sian bangso na dia pe nasida.”—Ulaon ni Apostel 10:34, 35.

 Bibel paboahon na saompu do sude jolma jala dijalo Debata do sude halak, dang soal sian bangso na dia pe nasida.

 Di Harajaon ni Debata na mamaretta sian surgo, dang adong be halak na dibeda-bedahon. Pamarettaon i lao mangajari akka halak songon dia carana mangargai halak na asing. Lao marsiajar do muse nasida asa mambolokkon perasaan negatif sian roha ni nasida.

•   “Diparsiajari penduduk ni luat i ma akka na sittong.”—Jesaya 26:9.

•   “Hasil sian hasittongan, i ma hadameon. Jala parbue ni hasittongan, i ma dame dohot hasonangan na saleleng ni lelengna.”—Jesaya 32:17.

 Saonari adong ma marjuta halak na marsiajar sian Bibel songon dia carana mangargai jala menghormati halak na asing.

•   Jaha ma majalah Dungo ma! na marjudul “Boi do Dang Tabeda-bedahon be Halak?” lao mandapot gumodang hatorangan.

•   Jaha ma artikel “Menjelaskan Rasisme kepada Anak Anda” lao mamboto songon dia akka natua-tua boi mambahas topik on dohot gelleng ni nasida.