Menurut hamu, halak na songon dia do halak na khawatir a i? Mungkin dibayakkon hamu ma sasahalak na mabiar jala na so boi mangulahon manang aha pe, busisaon, maol modom, manang sai torus paboahon holso ni rohana.

 Memang adong do halak na songon i tikki khawatir nasida. Alai hasil penelitian mandok, berbeda-beda do pengaruh ni kekhawatiran i tu akka halak, khususna tu akka bawa. Sada laporan mandok, “Godang do bawa molo borat sipikkiranna gabe minum alkohol jala marnarkoba. Alani i molo adong bawa na kecanduan minum alkohol, mungkin on boi do gabe tanda na khawatir ibana manang borat sipikkiranna. Jala jotjot do bawa na terlalu khawatir mura-mura muruk.”

 Alai memang dang sude bawa songon i. Berbeda-beda do cara ni setiap halak menghadapi kekhawatiranna, tergantung problemna. Alana, lam godang do halak na khawatir ala mangolu “di ari parpudi” na massai susa do hita saonari. (2 Timoteus 3:1) Jadi molo khawatir hamu, songon dia do Bibel boi mangurupi hamu?

 Godang do saran di Bibel na massai denggan na boi mangurupi hita mangatasi rasa khawatir. Parrohahon ma tolu contoh na mangihut.

1.  1. “Unang ma holsoan hamu lao mamikkiri taringot ari sogot. Ai asing do na taholsohon sadari on dohot di ari sogot. Ganup ari adong be do hasusaanna.”—Mateus 6:34.

    Artina: Unang ma takhawatirhon aha na boi masa di ari na naeng ro. Alana jotjot do na takhawatirhon i dang terjadi, jala situasi boi do berubah gabe lam denggan.

    Coba ma on: Coba ma jo ingot hamu aha na hea dipikkirhon hamu jala dikhawatirhon hamu lao terjadi, hape dang tutu terjadi. Dung i pikkirhon ma muse aha na dikhawatirhon hamu saonari. Coba ma berpikiran masuk akkal, jala pikkirhon ma sadia balga do kemungkinan na dikhawatirhonmuna i gabe masalah na massai balga.

2.  2. “Songon bosi na patajompon bosi, songon i ma sahalak jolma na mangurupi donganna asa lam denggan mangulahon ulaonna.”—Poda 27:17.

    Artina: Tikki borat sipikkiratta, boi do tapangido bantuan ni na asing jala ikkon olo do hita diurupi. Mungkin dilehon nasida ma piga-piga saran sian pengalaman ni nasida. Jala boi do dilehon nasida sudut pandang na asing taringot tu masalahta i.

    Coba ma on: Pikkirhon ma ise do donganmuna na hea mengalami na sarupa songon hamu. Mungkin boi do dilehon ibana saran na denggan. Sukkun ma songon dia cara ni ibana boi marhasil mangatasi masalah i.

3.  3. “Pasahat hamu ma sude holso ni rohamuna tu Ibana, ai diparrohahon do hamu.”—1 Petrus 5:7.

    Artina: Parduli do Debata tu halak na menderita. Dijujui Ibana do hita martangiang asa tapaboa tu Ibana sude holso ni rohatta dohot na adong di pikkiratta.

    Coba ma on: Surat ma akka aha na mambahen hamu khawatir. Dung i paboa ma i tu Debata di bagasan tangiangmuna. Paboa ma aha na mambahen hamu mangarsakkon i. Jala pangido ma asa diurupi Debata hamu mangatasi i.

 Dang holan akka saran na denggan na boi mangatasi rasa khawatir na adong di Bibel. Alai adong do janji na massai denggan na lao masa di ari na naeng ro dipaboa di Bibel. Marjanji do Debata na lao manalpuhon sude na mambahen hita khawatir salelengna. Songon dia carana?

 Harajaon ni Debata ma na lao manalpuhon sude na mambahen hita khawatir. (Pangungkapon 21:4) Molo dung mamaretta Harajaon i tu liat portibi on, dang na lao taingot be sude na mambahen hita khawatir jala dang na lao lungun be rohatta mangingot arsak ni rohatta.—Jesaya 65:17.

 Songon on do masa depan na lao lehonon ni “Debata Silehon dame i” tu hamu. (Rom 16:20) Ibana mandok, “Takkas do huboto aha na lao bahenokku tu hamu, . . . hadameon do na lao bahenokku tu hamu dang jea. Jala marjanji do Au na boi pos rohamuna na lao denggan do ngolumuna di ari na naeng ro.”—Jeremia 29:11.