1-2. (a) Andorang so marhallet sasahalak, aha do na ikkon dipersiappon ibana? (b) Aha do lapatan ni “marhallet”? (Ida “Hata na Dipatorang”.)

 ADONG do rencanamuna menikah? Memang dang ikkon jolo menikah sasahalak asa boi marlas ni roha. Nang pe songon i, godang do halak Kristen na lajang, na poso manang na matua, na lomo rohana menikah. Alai, asa marlas ni roha sasahalak di parsaripeonna, adong do na ikkon dipersiappon ibana bahkan sebelum marhallet. Aha ma i? Ikkon jolo togu do hubunganna tu Jahowa, ikkon ditanda ibana do dirina, jala boi mangatur parhepengonna. a—1 Kor. 7:36.

² Alai dang sai mura mangalului dongan saripe na cocok. (Poda 31:10) Jala molo tung pe nungnga juppangmuna halak na dihalomohon rohamuna, olo do maol dihilala hamu paboahon perasaanmuna tu ibana. b Di artikel on, lao tabahas ma aha na boi mangurupi halak Kristen na lajang tikki mangalului dongan saripe jala mulai marhallet. Dung i tabahas ma muse aha do na boi diulahon akka dongan di huria lao mendukung akka donganta na lomo rohana menikah.

CARA MANGALULUI DONGAN SARIPE NA COCOK

3. Aha do na porlu dipikkirhon hamu molo naeng mangalului dongan saripe?

³ Molo lomo rohamuna menikah, denggan do molo diboto  hamu halak na songon dia na naeng dilului hamu andorang so marhallet hamu. Alana molo dang, boi do ra gabe marhallet hamu tu halak na sebetulna dang cocok tu hamu, manang gabe disia-siahon hamu kesempatan mardongan tu sasahalak na sabotulna cocok tu hamu. Memang ikkon tardidi do sasahalak asa boi ibana gabe dongan saripemuna. (1 Kor. 7:39) Alai dang sude halak na tardidi cocok gabe dongan saripemuna. Jadi boi ma disukkun hamu tu dirimuna: ‘Aha do cita-citakku? Sifat na songon dia do na hulului sian halak na naeng gabe dongan saripekku? Masuk akkal do keinginanki?’

4. Molo lomo rohamuna menikah, aha do na boi ditangiakkon hamu tu Jahowa?

⁴ Molo lomo rohamuna menikah, tangiakkon ma i tu Jahowa. (Plp. 4:6) Memang dang dijanjihon Jahowa pasti boi dapotmuna sasahalak na naeng gabe dongan saripemuna. Alai parduli do Ibana tu kebutuhanmuna dohot tu perasaanmuna. Jala boi do diurupi Ibana hamu mangalului dongan saripe na cocok. Jadi torus ma paboa keinginan dohot perasaanmuna tu Ibana. (Ps. 62:8) Tangiakkon ma asa sabar hamu jala marbisuk. (Jak. 1:5) Songon i ma na diulahon si John c donganta na tinggal di Amerika Serikat. Didok ibana do, “Hupaboa do tu Jahowa akka sifat na hulului sian sasahalak na naeng gabe dongan saripekku. Martangiang do au asa boi pajuppang tu halak na cocok gabe dongan saripekku. Hupangido do tu Jahowa asa diurupi au patuduhon akka sifat na boi mambahen au gabe suami na burju haduan.” Donganta si Tanya sian Sri Lanka mandok, “Sambil mangalului sasahalak na naeng gabe dongan saripekku, hupangido do tu Jahowa asa diurupi au tetap setia tu Ibana jala marlas ni roha.”  Nang pe dang boi dope dapotmuna sasahalak na naeng gabe dongan saripe na cocok, alai marjanji do Jahowa pasti diparrohahon Ibana do hamu jala holong do rohana tu hamu.—Ps. 55:22.

5. Aha do na boi diulahon hamu asa boi pajuppang dohot donganta na lajang na makkaholongi Jahowa? (1 Korint 15:58) (Ida gambar.)

⁵ Didok do di Bibel, “Sai marsitutu ma hamu mangulahon godang ulaon ni Tuhan i.” (Jaha 1 Korint 15:58.) Jadi molo toktong hamu sibuk melayani Jahowa, jala bergaul dohot akka donganta sian marragam usia, suku, dohot latar belakang, gabe dipatogu ma hamu. Jala on gabe kesempatan ma di hamu lao pajuppang dohot donganta na lajang, na fokus melayani Jahowa songon hamu. Molo berupaya hamu mangalehon na dumenggan tu Jahowa, pasti marlas ni roha do hamu.

6. Aha do na ikkon diingot halak Kristen tikki mangalului dongan saripe?

⁶ Alai ingot ma, unang ma gabe mangalului dongan saripe na paling penting di ngolumuna. (Plp. 1:10) Alana kunci asa marlas ni roha i ma hubunganta tu Jahowa do, dang soal hita menikah manang na dang. (Mat. 5:3) Jala sebenarna ala lajang hamu, gabe godang ma kesempatanmuna lao mangalehon tikki tu Jahowa. (1 Kor. 7:​32, 33) Denggan ma pakke tikkimuna, songon na diulahon sahalak donganta si Jesika na di Amerika Serikat. Ibana menikah tikki hampir marumur 40 taon. Didok ibana ma, “Tikki lajang dope au toktong do au sibuk di ulaon marbarita. Jala i do na mangurupi au asa puas nang pe adong keinginanku lao menikah.”

JOLO PARROHAHON MA

7. Boasa denggan jolo diparrohahon hamu halak na dihalomohon rohamuna andorang so dipaboa hamu perasaanmuna tu ibana? (Poda 13:16)

⁷ Boha do molo dihilala hamu adong sahalak donganta na cocok gabe dongan saripemuna? Denggan do molo pittor dipaboa hamu na lomo rohamuna tu ibana? Didok di Bibel, halak na marbisuk jolo manat do marpikkir andorang so bertindak. (Jaha Poda 13:16.) Jadi, denggan do molo jolo diparrohahon hamu donganta i andorang so dipaboa hamu perasaanmuna tu ibana. Si Aswin sian Belanda mandok, “Perasaan i boi do hatop tubu alai boi do tong hatop mago. Jadi molo lomo rohatta tu sasahalak, denggan do jolo taparrohahon ibana. Jadi dang olo hita marhallet tu sasahalak holan ala lomo rohatta tu ibana.” Saleleng diparrohahon hamu sasahalak, olo do gabe disadari hamu, dang cocok hape ibana tu hamu.

8. Aha do na porlu diboto hamu taringot halak na dihalomohon rohamuna? (Ida gambar.)

⁸ Aha do na porlu diboto hamu taringot halak na dihalomohon rohamuna? Tikki marpungu manang tikki rap bergaul hamu, disi ma kesempatan lao mangida halak na songon dia ibana. Boi ma diida hamu songon dia sifatna, jala songon dia hubunganna tu Jahowa. Porlu do tong diboto hamu akka ise donganna jala aha do na jotjot dihatai ibana. (Luk. 6:45) Sarupa do cita-citamuna dohot ibana? Boi do disukkun hamu tu akka sintua di huriana, manang tu donganta na matoras na botul-botul mananda ibana. (Poda 20:18) Boi ma disukkun hamu tu nasida taringot reputasina dohot akka sifatna. (Rut 2:11) Alai unang ma sappe dibahen hamu gabe dang nyaman ibana. Argai ma perasaanna, jala unang ma sai torus hamu naeng jonok tu ibana manang naeng sude disukkuni hamu taringot ibana.

9. Andorang so dipaboa hamu perasaanmuna tu sasahalak, aha do na porlu diingot hamu?

⁹ Sadia leleng ma hamu mamparrohahon  donganta na dihalomohon rohamuna i, andorang so dipaboa hamu perasaanmuna? Molo pahatophu dipaboa hamu perasaanmuna tu ibana, olo do ra gabe didok ibana hamu halak na terburu-buru mambahen keputusan. (Poda 29:20) Alai molo palelengku dipaboa hamu perasaanmuna hape nungnga diboto ibana na lomo rohamuna tu ibana, boi do gabe didok rohana dang boi hamu mambahen keputusan. (Pjm. 11:4) Jala tikki naeng dipaboa hamu perasaanmuna tu ibana, unang ma pittor didok rohamuna na ikkon saut hamu na dua. Alai na paling penting, ikkon yakin do hamu memang nungnga rade be hamu menikah. Jala nungnga yakin hamu, halak na dihalomohon rohamuna i cocok do gabe dongan saripemuna.

10. Aha do na ikkon diulahon hamu molo disadari hamu adong na lomo rohana tu hamu, alai dang lomo rohamuna tu ibana?

¹⁰ Boha molo disadari hamu adong sasahalak na lomo rohana tu hamu? Molo dang lomo rohamuna tu ibana, patudu ma i takkas sian tindakanmuna. Unang ma bahen ibana berharap na boi ibana gabe halletmuna. Alana dang denggan songon i.—1 Kor. 10:24; Eps. 4:25.

11. Andorang so dipatandahon hamu sasahalak, aha do na porlu dipikkirhon hamu?

¹¹ Di piga-piga daerah, natua-tua do na mamillit ise na lao gabe parumaen manang helana. Di daerah na asing, akka donganna manang keluargana do na mangalului pasanganna, jala dipajuppangkon ma nasida. Alai nasida na dua do na mamuttusson, naeng marhallet do nasida manang na dang. Boha do molo hamu na dipangido sasahalak lao mangalului na cocok tu ibana? Porlu do jolo diboto hamu halak na songon dia na naeng dilului nasida. Molo dihilala hamu adong sasahalak na cocok tu ibana, porlu do jolo dilului hamu informasi taringot sasahalak i. Misalna, songon dia sifatna jala songon dia hubunganna tu Jahowa. Alana, uppetting do hubunganna tu Jahowa sian karejona, sikkolana, manang latar belakangna. Alai ingot ma ikkon nasida na dua do na mamutusson menikah do nasida manang na dang.—Gal. 6:5.

CARA PABOAHON PERASAANMUNA

12. Molo lomo do rohamuna tu sasahalak, songon dia ma caramuna paboahon i tu ibana?

¹² Molo lomo rohamuna tu sasahalak, boha do carana paboahon perasaanmuna tu  ibana? d Boi do diatur hamu tikki asa boi makkatai tu ibana di tempat umum, lewat video call, manang sian telepon. Takkas ma paboa na lomo do rohamuna tu ibana. (1 Kor. 14:9) Molo porlu, lehon ma ibana tikki lao marpikkir. (Poda 15:28) Molo dang lomo rohana tu hamu, argai ma keputusanna.

13. Aha do na boi diulahon hamu molo adong sasahalak na paboahon perasaanna tu hamu? (Kolosse 4:6)

¹³ Alai boha ma molo adong sasahalak na paboahon na lomo do rohana tu hamu? Tetap ma lambok jala argai ma nasida, alana pasti dang mura paboahon perasaanna i. (Jaha Kolosse 4:6.) Molo porlu hamu tikki lao mangalusi hatana i, paboa ma. Alai unang ma dipaleleng-leleng hamu mandokkon olo do hamu manang na dang gabe halletna. (Poda 13:12) Molo dang lomo rohamuna tu ibana, lambok jala takkas ma paboa i. Taparrohahon ma pengalaman ni si Hans sian Austria. Hea do sahalak borua paboahon na lomo rohana tu si Hans. Didok si Hans, “Takkas jala lambok do hualusi ibana. Pittor hupaboa do i, alana dang olo au mangalehon harapan palsu tu ibana. Jala dukkon i pe hujaga do tindakanku asa unang songon na mangalehon harapan, manang mambahen ibana marpikkir na boi do au annon berubah pikkiran.” Alai molo olo hamu tu ibana, paboa ma i, jala bahas ma dohot ibana aha na dihalomohon hamu saleleng hamu marhallet. Boasa? Alana bisa jadi olo do ra berbeda pandapotmuna taringot i bergantung tu budayamuna dohot faktor na asing.

CARA MENDUKUNG AKKA DONGANTA NA LAJANG

14. Aha do na boi taulahon lao mendukung donganta na lajang?

¹⁴ Aha do na boi taulahon lao mendukung donganta na lomo rohana menikah? Sada cara i ma, manat ma hita tikki makkatai tu nasida. (Eps. 4:29) Boi do tapikkirhon sukkun-sukkun on: ‘Gabe tersinggung do akka donganta na lajang alani gait-gaithu? Molo hubereng adong donganta borua dohot donganta bawa na lajang makkatai, pittor hubahen do kesimpulan na lagi mardongan-dongan nasida?’ (1 Tim. 5:13) Asing ni i, unang ma tabahen donganta na lajang merasa adong na sala di diri ni nasida umbahen na so menikah nasida. Si Hans na dipaboa nakkin  mandok, “Adong do piga-piga donganta na mandok tu au, ‘Boasa dang mangoli dope ho, hape nga matua ho?’ Hata sisongon i boi do mambahen akka na lajang merasa dang marguna jala memaksa nasida asa menikah.” Jadi dumenggan do molo talului kesempatan lao mamuji akka donganta na lajang.—1 Tes. 5:11.

15. (a) Sesuai tu prinsip di Rom 15:​2, aha do na porlu tapikkirhon andorang so mangurupi sasahalak mangalului dongan saripe? (Ida gambar.) (b) Aha do parsiajaran na boi didapot hamu sian video i? (Ida surat na di toru.)

¹⁵ Boha do molo tahilala adong sahalak donganta bawa na cocok tu sahalak donganta borua? Didok di Bibel, ikkon tapikirhon do perasaan ni halak na asing. (Jaha Rom 15:2.) Godang do akka donganta na lajang dang lomo rohana dipatandahon tu sasahalak. Jadi ikkon taargai do keputusan ni nasida i. (2 Tes. 3:11) Piga-piga donganta na lajang olo do mangido bantuan tu hita. Alai unang ma taulahon i molo dang dipangido nasida. e (Poda 3:27) Adong muse na lomo rohana dipatandahon tu sasahalak, alai unang patandahu. Sahalak donganta na lajang na tinggal di Jerman na margoar si Lydia mandok, “Boi do diajak hamu akka donganta na lajang bergaul rap dohot akka donganta na asing. Gabe adong ma kesempatan di nasida lao marsitandaan, jala nasida ma na mamutusson tu dia do ujung ni hubungan ni nasida.”

16. Aha do na porlu diingot akka donganta na lajang?

¹⁶ Hita sude boi do marlas ni roha dang soal menikah manang na dang. (Ps. 128:1) Molo lomo rohamuna naeng menikah alai dang pajuppang dope hamu tu halak na cocok, tetap ma hamu sibuk melayani Jahowa. Sahalak donganta borua na margoar si Sin Yi na tinggal di Makau mandok, “Dao do ummotik waktumuna tikki lajang, molo dibandingkon tu waktu na dipakke hamu rap dohot dongan saripemuna di Paradeiso haduan. Jadi denggan ma pakke tikkimuna, jala manfaatton ma masa lajangmuna on.” Alai, boha do molo nungnga pajuppang hamu tu halak na cocok jala lagi marhallet hamu saonari? Di artikel na mangihut, lao tabahas ma songon dia carana asa boi dibahen hamu keputusan na denggan saleleng marhallet.