Lului ma Bantuan

“Mura do ditaluhon molo holan sahalak. Alai boi do martahan molo dua halak.”—Parjamita 4:12.

MOLO adong do na mangurupi hita, kemungkinan besar boi do hita monang mangalo musu. Dang soal ise manang aha musutta i. Jadi molo naeng so do hamu marisap, pangido ma bantuan sian keluarga, dongan, manang halak na sabar jala na olo mangurupi hamu sian ias ni rohana.

Pangido ma bantuan sian halak naung so marisap. Alana, boi do nasida sabar mangurupi hamu. Si Torben sahalak Kristen na sian Denmark mandok, “Balga do pengaruh ni bantuan ni halak na asing tu au.” Si Abraham na tinggal di India mandok, “Alani holong ni keluarga dohot akka dongan ma na mambahen au boi so marisap.” Alai sipata dang cukkup holan mangandalhon keluarga dohot akka dongan.

Sahalak bawa na margoar si Bhagwandas mandok, “Nungnga 27 taon au na marisap i. Alai dung huboto na sogo roha ni Debata mangida halak na marisap, marjanji ma au di rohakku asa so marisap. Nanget-nanget do hupaso na marisap i. Dang mardongan be au tu halak parisap. Lao do au tu dokter konsultasi. Alai tong dang boi au so marisap. Ujungna, di sada borngin martangiang ma au. Hupaboa ma sude na di rohakku tu Jahowa. Hupangido ma asa diurupi au pasohon na marisap on. Gabe boi ma au so marisap!”

Rikkot do paradehon diri tu akka tantangan na asing. Akka aha ma i? Dipaboa ma i di halaman na mangihut.

[Kotak]

PORLU DO MAMAKKE UBAT?

Akka ubat na boi mangurupi halak so marisap, songon koyo nikotin, nungnga gabe bisnis na balga. Alani i, sebelum dipakke hamu akka ubat sisongon i, coba pikkirhon akka sukkun-sukkun on:

Aha do manfaat ni ubat i? Godang do terapi na boi mangurupi sasahalak asa unang merasahon gejala ala so marisap. Alai leleng do prosesna asa boi marhasil.

Aha resikona? Piga-piga ubat i adong do efek sampingna, songon naeng muta, depresi, manang sai naeng bunuh diri. Ingot ma obat na dipakke lao terapi pasohon marisap i tong do ubat na mambahen kecanduan. Pasti adong do efek sampingna. Alani i halak na mamakke ubat i, tong do kecanduan.

Aha ma cara na asing? Sada penelitian paboahon, 88 porsen halak na berhasil so marisap dang mamakke ubat.