Akka na poso na sai holan marinternet karejona, biasana . . .

• gabe torus do holan na marhandphone i.

• gabe mam-bully akka halak di Internet.

• gabe mura mangida gambar manang video pornografi, nang pe dang sengaja nasida mambukka situs i.

GABE TORUS MARHANDPHONE

Adong do halak na marinternet holan naeng lao margame online. Memang, dibahen pe akka game i, asa torus do halak margame online. Bukku Reclaiming Conversation mandok, “Dibahen pe aplikasi na adong di handphoneta i, asa torus do hita marhandphone.” Molo lam leleng tapakke aplikasi di handphoneta na adong iklanna, gabe lam godang do uttung ni na mambahen iklan i.

PIKKIRHON MA: Na so boi be ianakkonmuna i dang marhandphone? Aha do na boi dibahen hamu asa unang sai marhandphone i ianakkonmuna?—EPESUS 5:15, 16.

GABE MAM-BULLY

Godang do halak tikki marinternet gabe jahat, lomo-lomona makkatai, jala dang parduli tu perasaan ni halak na asing. Ala nga songon i sifat ni nasida, gabe dang mabiar be nasida mam-bully akka halak.

Dibahen nasida pe songon i, asa diparrohahon halak do nasida jala asa terkenal. Asing ni i, adong do tong halak na merasa hira na di-bully. Contohna, tikki diida postingan ni donganna marpungu dohot donganna na asing alai dang dohot ibana diajak.

PIKKIRHON MA: Gabe halak na jahat do ianakkonmuna molo di Internet? (Epesus 4:31) Haccit do roha ni ianakkonmuna molo dang diajak akka donganna ibana?

GABE MANGIDA PORNOGRAFI

Mura do mangida gambar manang video porno di Internet. Memang, adong do aplikasi na boi dipakke natua-tua lao membatasi ianakkonna mangida akka na di Internet. Alai dang boi holan aplikasi i na gabe diandalhon natua-tua.

Melanggar hukum do molo manjalo manang makkirim pesan, video, manang gambar porno. Alani i, boi do dihukum halak na mangulahon i ala nungnga melanggar undang-undang taringot pornografi anak sesuai tu hukum di daerah i dohot umur ni na mangulahon i.

PIKKIRHON MA: Songon dia do caramuna mangurupi ianakkonmuna asa unang mangida akka na so denggan di Internet?—EPESUS 5:3, 4.

AJARI MA IANAKKONMUNA

Nang pe nungnga malo akka dakdanak mamakke handphone, alai porlu dope nasida ikkon diajari. Sada bukku mandok, “Bahaya do molo dipaloas sahalak dakdanak marhandphone molo dang dipaboa hian dope tu nasida akka aha na boi dibukka sian handphone i.”

Pillit ma akka saran na di toru on, manang surat ma aha na lao diulahon hamu.

• Paboahon tu ianakkokku asa sopan tikki marinternet

• Mangurupi ianakkokku asa unang haccit rohana tikki dang diajak akka donganna

• Mambahen marragam cara asa unang dibukka ianakkokku akka na so denggan na di Internet

• Ikkon jotjot memeriksa handphone ni ianakkokku

• Ikkon hutottuhon do sadia leleng ianakkokku boi marhandphone ganup ari

• Dang paloasson ianakkokku marhandphone sahat tu borngin

• Dang boi maniop handphone tikki rap mangan