Psalmen 137:1-9
137 Tikki hundul hami di labbung ni akka sunge na di Babel,+
Mangangguki do hami molo diingot hami Sion.+
2 Hugattukkon hami do harpanami,+Tu akka hau poplar na adong di tonga-tonga ni kota i.*
3 Disuru akka halak na mambahen hami gabe tawanan do hami marende,+Dilesengi nasida do hami, didok do songon on asa las roha ni nasida,
“Endehon hamu jo sada ende taringot Sion.”
4 Boha do bahenonnami marende tu JahowaDi huta ni halak?
5 Molo hulupahon ho, ale Jerusalem,Lok ma gabe dang marguna* tangan kananku.+
6 Molo dang huingot ho JerusalemMolo dang hubahen ho gabe haroroan ni las ni rohakku na umbalga,Lok ma gabe bisu au.*+
7 Ale Jahowa,Ingot ma tikki na ditaluhon i Jerusalem, didok halak Edom do,
“Ruppakkon ma i! Ruppakkon ma i sahat tu fondasina!”+
8 Ale anak boru ni Babel, lao dihancurhon nama ho tokkin nai,+Marlas ni roha ma halak na mambalos hoDos songon na binahenmu tu hami.+
9 Marlas ni roha ma halak na manakkup gellengmuJala na manoppasson nasida tu dolok batu.+
Surat na di toru
^ Na nidokna dison, i ma kota Babel.
^ Manang boi do “gale-gale”.
^ As. “Lok ma lokkot dilakku tu langit-langit ni babakku”.
