Dang na lao hancur, dang na lao dibakar, jala dang na lao diganti dohot planet na asing. Alana didok do di Bibel, dibahen Debata pe portibi on asa diingani jolma do saleleng ni lelengna.

•   “Teanon ni angka partigor i do sogot tano i, jala tongtong do nasida maringanan disi.”​—Psalmen 37:29.

•   “Nunga dipaojak [Debata] tano on tu angka ojahanna i, asa unang lalolalo salelenglelengna.”​—Psalmen 104:5.

•   “Hot do anggo tano on ro di salelenglelengna.”​—Parjamita 1:4.

•   “Ibana do manompa dohot mambahen rupa ni tano on, dibahen do i togu jala hot. Ditompa Ibana i ndang holan songon i ndang marisi, alai bahen inganan ni jolma do i.”​—Jesaya 45:18, Bibel siganup ari.

 Nang pe adong porang, polusi, dohot akka na asing, dang dipasombu Debata hancur portibi on. Didok do di Bibel, ‘ripashonon ni Debata do halak na manegai tano on’. (Pangungkapon 11:18) Boha do cara ni Debata mangulahon i?

 Ala dang sanggup pamarentaon ni jolma padengganton situasi di portibi on, naeng diganti Debata ma pamarettaon i. Harajaon ni Debata ma na mamaretta. (Daniel 2:​44; Mateus 6:​9, 10) Jesus Kristus ma Raja ni Harajaon i. (Jesaya 9:​5, 6) Tikki di tano on dope Jesus, dibahen ibana do mukjizat lao mengendalihon alam. (Markus 4:​35-​41) Ala ibana do Raja ni Harajaon ni Debata, boi do dikendalihon ibana alam dohot portibi on. Dipadenggan ibana ma situasi di portibi on, asa sarupa songon di porlak Eden najolo.​—Mateus 19:28; Lukas 23:43.

 Dang i maksudna. Adong pe na mandok songon i, ala sala mangattusi do nasida taringot ayat 2 Petrus 3:7. Didok disi, “Disimpan do langit dohot tano na adong saonari laho uhumonna marhite api.” Taulas ma jo dua hatorangan na rikkot on, asa boi taattusi aha do lapatan ni ayat i.

1.   Hata “langit”, “tano”, dohot “api” na disurat di Bibel, boi do asing lapatanna. Umpamana, didok di 1 Musa 11:1, “Saragam do [bahasa] di sandok tano on.” Lapatan ni hata “tano” di ayat on, i ma akka jolma.

2.   Molo tajaha 2 Petrus 3:5, 6, boi ma taboto lapatan ni langit, tano, dohot api. Di ayat 5 dohot 6, dipaboa do taringot Aek na Sumar tikki jaman ni si Noak. Didok Debata, naeng dihancurhon do “tano i”. Alai na didok disi, akka parjahat do na naeng diripashon, dang na portibi on. (1 Musa 6:​11) Jala didok muse hancur do “langit” di tikki i. Lapatanna, akka pamaretta do na mate. Jadi dang portibi on na hancur, alai akka parjahat do na mate. Buktina, dung sae Aek na Sumar, toktong dope mangolu si Noak dohot keluargana di portibi on.​—1 Musa 8:​15-​18.

 Dos songon Aek na Sumar najolo, “api” na didok di 2 Petrus 3:7 i lao manghancurhon akka parjahat do, dang portibi on. Marjanji do Debata, na lao adong “langit na imbaru dohot tano na imbaru” jala “angka na mangulahon parenta ni Debata ma na maringanan disi”. (2 Petrus 3:​13) “Tano na imbaru”, lapatanna akka halak na mangolu salelengna di tano on. “Langit na imbaru”, lapatanna Harajaon ni Debata. Harajaon i ma na mambahen tano on gabe dame.​—Pangungkapon 21:​1-4.