To. I yémaliga le di mbéna ke likalô li mandap ni mandap, ndi di nhoñol bé le mu nyen d’a kuhul tobhi yés. (Efésô 2:8) Inyuki bé?

 Di nyoñ le hihéga hini: Hégda le mut likap wada a bôn le a ga ti hiki mut a’ loo i ngim homa tôbôtôbô, ni i ngim hilo a nti likébla li hee diye. Ibale u bôdôl nye ñem, ibabé pééna u yé le u nôñôl biniigana a nti! U ga kal ki mawanda moñ ni lihaa joñ i jam li, kayéle yak bo ba pam i kôs likébla li. Ndi to ibale ni noñ maéba ma mut nu, a ga ti bé bé yo inyule ni nkôli ni yo. Likébla wee likébla.

 Inoñnaga ni hihéga di nyoñ, Mbôgi Yéhôva i nhémle le Djob a mbôn ba bobasôna ba nôgôl nye, niñ boga. (Rôma 6:23) Di ntjam hémle yés ni ngui yés yosôna, ni mapida le yak bo ba ga ôt nseñ mu. Ndi di nhémle bé le di kôli ni ntohi mu kii di nsal nson u. (Rôma 1:17; 3:28) Maliga ma yé le, mut binam nye ki nye a ta bé le a boñ biliya inyu kôs likébla li kiki nsaa u kôli ni nye “ha ni nyen a tohol bés, ha inyu bé le di bi gwel minson kikii bôt ba téé sép”—Titô 3:5, Contemporary English Version.