I sôñ Njéba 2022, ni makas ma nkoñ ’isi momasôna bôt ba bi nol bôt ni ngaa:

•   “Nyemb i ñane loñ Yapan wada nu a nlôôha yiba [Nlômbi Premier Ministre Shinzo Abe,] i bi yiñgis loñ yosôna, i bi tééñga ki ngandak bôt ni nkoñ’isi wonsôna, téntén inyule loñ Yapan i nlôôha bé bana manola, ni le mbén loñ Yapan i njôha bé ni jam li ngaa.”—10 Njéba, 2022, i kégikel le, The Japan Times.

•   “Loñ Danmark yosôna i bé ikété maéya, inyule mut wada a bi leñ ngaa, a nol bôt baa i ngim mbôm i Copenhague.”—4 Njéba, 2022, i Reuters.

•   “I loñ Afrika i nwelmbok: I Sôwétô, bôlôm ba ba bééna ngaa, ba bi jôp i bar ba kahal leñ bôt ngaa, ba nol 15.”—10 Njéba, 2022, i The Guardian.

•   “I loñ Amérika: Ba bi leñ iloo 220 bôt ngaa mu sonde i hilo 4 Njéba, i kel i, bôlô i bé bé.”— 5 Njéba, 2022, CBS News.

 Baa botñem i yé le, i njôô i, i mal kel yada? Kii Bibel i nkal?

 Bibel i nkal le di niñil i “dilo di nsôk,” i dilo bôt ba binam ba mboñ mam ni béba ñem, ba bak kiki binuga. (2 Timôtéô 3:1, 3) Njôô ini i mboñ le bôt ba niñ ikété woñi. (Lukas 21:11) Ndi, Bibel i mbôn le ngim ngéda njôô i ga ba ha bé, ni le “Litén li ga yééne i homa nsañ u yé, ibabé nduña, i mayééne ma yé nwee, ibabé i kon jam jo ki jo woñi.” (Yésaya 32:18) Lelaa njôô i ga mal?

 Nyambe a ga tjé bibéba bi bôt yak mangaa ni bijôl bi gwét gwobisôna.

•   “Ndi inyu bibéba bi bôt ba ga héya bo hana ’isi.”—Bingéngén 2:22.

•   “[Nyambe] a mélés gwét i nkoñ ’isi; wonsôna. A mbôk mpihlôñgô, a nyugut ki likoñ; a ntjé bikak bi gwét ni hié.”—Tjémbi 46:10

 Nyambe a mélés i mam ma ntôdôl njôô i ngéda a niiga bôt ba binam i niñ ikété nsañ.

•   • “Bi ga boñ bé mut nye ki nye béba, bi ga tjé bé to yom yo ki yo i hikôa hiem hipubhaga hiosôna, inyule hisi hi ga yon ni yi i Yéhôva kiki malép ma nhô tuye. ”—Yésaya 11:9.

•   Yak i len ini, Nyambe a niiga bôt ba binam ni nkoñ’isi wonsôna i tjôô njôô ni mangaa, ‘i yilha paminsoñ yap disoo, yak makoñ map m’a yila njasô i wom ’—Mika 4:3.

 Inyu kônde yi kii Bibel i mbôn inyu niñ hana hisi ngi woñi, añ yigil le “Affranchis de la peur: est-ce possible?”

 Inyu kônde yi mam mape ma ma mpôdôl lelaa njôô i ga mal inyu ngélé yosôna, añ yigil ini le “Enfin la paix sur terre!”