Baa ngim mangéda i yéne we ndutu i bigda i yom u ntip nigil? Hala a mbéna pémél hiki wada wés. Kii u nla ni boñ? Bigda balôm ba matode.

I ngéda u nigil, yoñ ndék manut inyu ôt pék mu i mam ma nlôôha nseñ mu jam u nigil. Yimbe lelaa ñôma Paul a bi hôla lôk kéé i i bé wan kaat i boñ hala, i ngéda a tila le: “Ndi nlôm jam . . . nye nunu le.” (Lôk Héber 8:1) Ni bibuk bini, a bi hôla i bôt ba bé emble nye i nok kii a bé niiga ni i tehe maada ma yé ipôla i mam a bé kal ni ño nkwel wé.

U nla yoñ ngéda, bebek jôm li manut i mamélél ma yigil yoñ, inyu ôt pék i matode ma mahee mu jam u ntip nigil. Ibale u mbigda bé matode ma mahee loñge, tiimba añ miño mi minkwel​—tole minlôñ mi bisu mi maben​—inyu hôla we i bigda i yom u nigil. Ibale u nigil jam li mondo, boñ biliya i toñol jo ni bibuk gwoñ. Kiki u mba u ntiimba ôt pék mu i matode ma mahee ma, hala a ga hôla ndigi bé we i tééda i yom u nigil, ndi u ga tibil ki yi lelaa u bii i yom u nigil i bisélél i niñ yoñ.