PLAJAHAN 03

Apaké Ragané Bisa Percaya tekén Cakepan Suci?

MAENANG

Cakepan Suci liu misi janji lan saran-saran ané luung. Mungkin ragané dot nawang apa dogén ajahan Cakepan Suci. Di sisi lén, ragané mungkin kéweh percaya tekén bukuné ené. Apaké ragané bisa percaya tekén janji lan saran uli buku ané suba tua? Apaké ragané bisa percaya tekén Cakepan Suci unduk idup bagia jani lan di masa depan? Jutaan anaké suba muktiang. Nah tingalin, apaké ragané masi bisa percaya?

1. Apaké isin Cakepan Suciné karangan atau kejadian ané nyata?

Cakepan Suci bisa kapercayain krana isiné ”beneh lan pantes”. (Guru Pangajian 12:10) Ento misi catetan unduk kejadian lan tokoh ané seken-seken ada. (Baca Lukas 1:3; 3:1, 2.) Liu ada ahli sejarah lan arkeologi ané suba muktiang keakuratan uli tanggal penting, tokoh, lokasi, lan kejadian ané kacatet di Cakepan Suci.

2. Kenapa dadi orahang Cakepan Suci ento tusing ketinggalan jaman?

Ada conto-conto ané muktiang yén Cakepan Suci suba ngorahang unduk-unduk ané kondén tawanga dugasé ento. Contoné, ané ada hubungané ajak ilmu pengetahuan. Awalné, liu anaké tusing percaya tekén unduké ento. Yapin kéto, ilmu pengetahuan modern muktiang yén apa ané orahanga di Cakepan Suci ento cocok. Isiné ”dadi andelang jani lan saterusné”.—Kidung 111:8.

3. Kenapa iraga bisa percaya tekén Cakepan Suci unduk masa depan?

Cakepan Suci suba nulis malunan ”unduk-unduk ané konden terjadi”. (Nabi Yesaya 46:10) Tulisané ento misi sejarah ané pasti, ané katulis joh satondén terjadi. Kéto masi nyebutang unduk kejadian-kejadian ané ada jani. Di plajahané ené iraga lakar mréksain tulisan-tulisan ané ada di Cakepan Suci. Ento luung sajaan!

PLAJAHIN LEBIH DALEM

Préksain kéngkén ilmu pengetahuan cocok ajak Cakepan Suci, lan selidikin ramalan Cakepan Suci ané ngeranaang ngon.

4. Ilmu pengetahuan cocok ajak Cakepan Suci

Imaluan, liu anaké percaya yén gumine ada ané nopang. Puter VIDEO.

VIDEO: Guminé Tusing Ada ané Nopang (1:13)

Cobak tingalin apa ané kacatet di buku Ayub 3.500 tiban ané suba liwat. Baca Ayub 26:7, lan jawab patakoné ené:

Ayaté ento ngorahang yén ”guminé tusing ada ané nopang”. Kenapa liu anaké ngon tekén unduké ento?

Mara sekitar tahun 1800-an anaké ngerti unduk siklus yéh di guminé. Jani bandingang ajak apa ané suba katulis di Cakepan Suci ribuan taun ané suba liwat. Baca Ayub 36:27, 28, lantas jawab patakon-patakoné ené:

Kéngkén pendapat ragané unduk penjelasan ayaté ené?
Apaké ayat-ayat ané kabaca busan ngaénang ragané makin percaya tekén Cakepan Suci?

5. Cakepan Suci ngeramalang unduk kejadian-kejadian ané penting

Baca Nabi Yesaya 44:27–45:2, lantas jawab patakoné ené:

Satak tiban satondén kota Babilon runtuh, perincian-perincian apa ané suba katulis di Cakepan Suci?

Puter VIDEO.

VIDEO: Cakepan Suci Ngeramalang Keruntuhan Babilon (0:58)

Sejarah muktiang yén Raja Kores uli Persia lan tentarané ngalahang kota Babilon tahun 539 Satondén Maséhi. Yéh tukad ané dadi perlindungan kotané enyatange. Sasubané macelep ka kotané, dapetanga gerbang-gerbangné mabukakan. Dadiné ia menang tanpa perlawanan. Kayang jani Babilon tileh dadi reruntuhan. Kejadiané ento suba lebih tekén 2.500 tiban. Jani tingalin kéngkén Cakepan Suci ngeramalang unduké ento.

Baca Nabi Yesaya 13:19, 20, suba kéto jawab patakoné ené:

Kéngkén keruntuhan kota Babilon dadi bukti ento cocok tekén apa ané suba katulis di Cakepan Suci?

Reruntuhan Babilon ané ada di Irak

6. Cakepan Suci suba nulis kejadian-kejadian di jaman jani

Cakepan Suci ngorahang jani iraga idup ”di jaman akhir”. (2 Timotius 3:1) Tingalin apa ané suba katulis di Cakepan Suci unduk masané ento.

Baca Matius 24:6, 7, suba kéto jawab patakoné ené:

Menurut Cakepan Suci, kejadian-kejadian apa dogén ané lakar ada di jaman akhir?

Baca 2 Timotius 3:1-5, lantas jawab patakon-patakoné ené:

Menurut Cakepan Suci, kéngkén sipat-sipat manusané di jaman akhir?
Sipat ané kéngkén ané suba sesai tepukin ragané?

ADA ANÉ NGORAHANG: ”Cakepan Suci ento buku karangan manusa.”

Menurut ragané, apa bukti ané paling kuat yén Cakepan Suci buku ané bisa kapercayain?

KESIMPULANÉ

Sejarah, ilmu pengetahuan, lan ramalan makejang dadi bukti yén Cakepan Suci bisa kapercayain.

Ulangin

Apaké isin Cakepan Suciné karangan atau kejadian ané nyata?
Unduk apa dogén Cakepan Suci cocok ajak ilmu pengetahuan?
Menurut ragané, apaké Cakepan Suci ngomongang unduk masa ané lakar teka? Kenapa kéto?

Plajahané ené suud tanggal:

Targét

Apang makin percaya tekén Cakepan Suci, baca atau tingalin apa ané ada di bagian Alih Buin.

Ané lénan:

Your other goal