PLAJAHAN 02
Cakepan Suci Ngemaang Harapan
Iraga ajak makejang pasti ngelah masalah ané ngranaang iraga mrasa sebet, inguh, lan tertekan. Apaké ragané taén mrasa kéto? Ragané mungkin mrasa kéweh krana penyakit atau ada kluarga ané ngalain mati. Mungkin ragané taén ngenehang, ’Apaké idupé lakar ada perobahan?’ Cakepan Suci nyediaang jawaban ané pasti buat patakoné ento.
1. Kéngkén carané Cakepan Suci bisa ngemaang harapan?
Cakepan Suci nyelasang kenapa liu ada masalah. Cakepan Suci misi orti luung yén masalah-masalahé ento énggal lakar ilang. Cakepan Suci misi janji yén iraga lakar ”ngelah masa depan ané luung lan harapan”. (Baca Nabi Yeremia 29:11, 12.) Janji-janjiné ento bisa nulungin iraga tetep tabah, ngelah pikiran ané positif, lan ngelah harapan idup ané bagia.
2. Masa depan cara apa ané kajelasang di Cakepan Suci?
Cakepan Suci nyelasang yén di masa depan ”tusing ada buin kematian, rasa sebet, anak ngeling, lan rasa sakit”. (Baca Wahyu 21:4.) Liu ada masalah ané ngranaang idupé kéweh. Contoné sing ngelah pipis, unduk ané sing adil, penyakit, lan kematian. Ento makejang lakar ilang. Cakepan Suci ngemaang janji yén manusané lakar idup bagia saterusné di gumi ané suba kaubah dadi luung, ané kasebut Pirdaus.
3. Kéngkén carané apang ragané lebih percaya tekén janji ané ada di Cakepan Suci?
Liu anaké ngelah harapan ané luung-luung, tapi sing yakin apaké harapané ento bisa dadi kenyataan. Janji-janji uli Cakepan Suci malénan. Harapan iragané bisa makin kuat yéning ”seleg mréksa Cakepan Suci sabilang wai”. (Pamargin Parautusan 17:11) Dugas mlajahin Cakepan Suci, ragané bisa mutusang padidi apaké ragané percaya tekén janji-janjiné ento.
PLAJAHIN LEBIH DALEM
Préksain janji-janji ané ada di Cakepan Suci unduk masa depan. Tingalin kéngkén anak lénan suba maan manpaat uli janjiné ento.
4. Cakepan Suci ngemaang harapan idup saterusné bébas uli masalah
Tingalin janji-janji Cakepan Suci ané ada di daptaré betén. Ané kén ané paling cocok buat ragané? Kenapa?
Baca ayat-ayat ané ada di samping janji-janjiné ené, lantas kenehang patakon-patakoné ené:
-
Apaké ragané mrasa ayat-ayaté ené ngemaang harapan? Apaké ené maguna masi buat kluarga lan timpal-timpalé?
Bayangang idup di guminé ané
|
SING ADA ANÉ . . . |
MAKEJANG LAKAR . . . |
|---|---|
|
|
|
|
|
|
|
|
|
|
5. Janji-janji Cakepan Suci bisa ngubah kaidupan
Liu anaké sebet lan mrasa gedeg dugas ningalin masalah-masalah ané ada di sekitarné. Ada ané berjuang apang ada perobahan. Tingalin kéngkén janji Cakepan Suci bisa nulungin anaké jani. Puter VIDEO, suba kéto jawab patakon-patakoné ené.
-
Di videoné busan, unduk tusing adil apa ané alamina baan Rafika?
-
Yapinja tusing ada keadilan ané tepukina, kéngkén Cakepan Suci bisa nulungin ia?
Harapan Cakepan Suci unduk masa depan bisa nulungin iraga tetep tabah lan ngidaang mragatang masalah. Baca Pitutur 17:22 lan Roma 12:12, suba kéto jawab patakon-patakoné ené:
-
Menurut ragané, apaké harapan ané ada di Cakepan Suci bisa ngubah kaidupan ragané jani? Kenapa?
ADA ANÉ NGORAHANG: ”Janji-janji Cakepan Suci unduk masa depan asananga sing mungkin terjadi.”
-
Menurut ragané, kenapa penting mréksa padidi buktiné?
KESIMPULANÉ
Janji-janji Cakepan Suci unduk masa depan ané bagia bisa ngemaang iraga harapan lan nulungin iraga tetep tabah dugas ada masalah.
Ulangin
-
Kenapa manusané perlu harapan?
-
Menurut Cakepan Suci, kéngkén masa depan iraga?
-
Yén ngelah harapan masa depan, kéngkén ento bisa nulungin iraga jani?
ALIH BUIN
Plajahin buin unduk pengaruh harapan.
”Harapan—Dija Ngalih?” (Sedarlah! 22 April 2004) (ada di basa Indonesia)
Tingalin kéngkén harapan masa depan bisa nulungin anak ané sakit parah.
”Kena Penyakit Parah—Bisaké Cakepan Suci Nulungin?” (Artikel web) (ada di basa Indonesia)
Dugas ningalin video musik ené, bayangang ragané lan kluargan ragané ngrasaang idup bagia di Pirdaus cara janjin Cakepan Suciné.
Baca pengalaman aktivis sosial ané kaidupané berobah ulian mlajah harapan masa depan di Cakepan Suci.
”Tiang Tusing Buin Mrasa Perlu Ngubah Gumi” (Menara Pengawal 1 Juli 2013) (ada di basa Indonesia)
