PLAJAHAN 01
Ada Buku ané Bisa Nulungin Ragané
Hampir ajak makejang iraga ngelah patakon unduk kaidupan, kasengsaraan, kamatian, lan masa depan. Iraga masih ngenehang unduké sawai-wai, soal ngalih gaé atau carané apang ngelah kluarga bagia. Ada buku ané madan Cakepan Suci. Liu anaké mrasa yén Cakepan Suciné ento tusingja ngemaang jawaban ané penting dogén, tapi ngemaang masi saran ané luung buat kaidupan sabilang wai. Iraga ajak makejang bisa maan manpaat uli Cakepan Suci.
1. Patakon apa dogén ané bisa kajawab olih Cakepan Suci?
Cakepan Suci nyawab patakon-patakon ané penting. Contoné, kéngkén pajumun idupé? Kenapa iraga ada dini? Kenapa anaké ané jemet bisa sengsara? Kéngkén keadaan anaké ané suba mati? Yén makejang anaké ngedotang perdamaian, kenapa liu ada perang? Apa ané lakar terjadi di guminé di masa depan? Cakepan Suci nganjurang iraga ngalih jawaban uli patakoné ento. Jutaan anaké suba maan jawaban ané mamuaskan.
2. Kéngkén Cakepan Suci bisa nulungin iraga ngelah idup bagia?
Cakepan Suci ngemaang iraga saran ané luung. Contoné, ngajahin kéngkén carané apang kluargané seken-seken bagia. Kéto masi ngemaang saran kéngkén carané ngatasin masalah lan kéngkén carané apang iraga seleg magaé. Ragané lakar nawang apa ajahan Cakepan Suci unduk patakon-patakoné ento lan patakon-patakon ané lénan. Minab ragané setuju yén ”isin Cakepan Suciné makejang . . . maguna”.—2 Timotius 3:16.
Bukuné ené tusingja nganti Cakepan Suci. Kéwala, ené nulungin ragané mréksa padidi Cakepan Suci. Ento alasané, baca ayat-ayat ané ada di plajahané ené lan bandingang ajak apa ané suba kaplajahin.
PLAJAHIN LEBIH DALEM
Kéngkén Cakepan Suci suba nulungin anak lénan? Kéngkén carané apang demen maca bukuné ené? Lan kenapa perlu ngidih tulung anak lén apang bisa ngerti?
3. Cakepan Suci bisa nuntun iraga
Cakepan Suci cara sinar ané galang. Ento bisa nulungin iraga kéngkén carané ngaé keputusan ané luung lan nulungin iraga nawang unduk masa depan.
Baca Kidung 119:105, suba kéto jawab patakon-patakoné ené:
-
Menurut penulis buku Kidung, Cakepan Suci patuh cara apa?
-
Yén menurut ragané, cara apa?
4. Cakepan Suci bisa nyawab patakon-patakon iraga
Ada anak luh maan jawaban uli Cakepan Suci unduk patakon-patakon ané suba makelo kenehanga. Puter VIDEO, suba kéto jawab patakon-patakoné ené.
-
Di videoné busan, anaké eluh ento ngelah patakon-patakon apa?
-
Kéngkén plajahan Cakepan Suci bisa nyawab patakoné?
Cakepan Suci nganjurang iraga apang matakon. Baca Matius 7:7, lantas jawab patakoné ené:
-
Apaké ragané taén ngelah patakon, ané jawabané mungkin ada di Cakepan Suci?
5. Ragané bisa demen maca Cakepan Suci
Liu anaké demen maca Cakepan Suci lan suba ngerasaang manpaatné. Puter VIDEO, suba kéto jawab patakon-patakoné ené.
-
Di videoné busan, kéngkén perasaan bajang-bajangé unduk maca?
-
Kenapa ia jani demen maca Cakepan Suci?
Cakepan Suci nyediaang tuntunan ané luung buat iraga lan ngemaang harapan. Baca Roma 15:4, suba kéto jawab patakoné ené:
-
Apaké ragané demen tekén janji lan harapan ané ada di Cakepan Suci?
6. Anak lén bisa nulungin iraga apang ngerti Cakepan Suci
Selain maca Cakepan Suci padidian, liu anaké maan manpaat dugas diskusi ajak anak lén. Baca Pamargin Parautusan 8:26-31, lantas jawab patakoné ené:
-
Kéngkén carané iraga bisa ngerti Cakepan Suci? —Tingalin ayat 30 lan 31.
Anak Etiopia perlu bantuan apang ngerti Cakepan Suci. Liu anaké jani maan manpaat mlajahin Cakepan Suci ajak anak lénan.
ADA ANÉ NGORAHANG: ”Mlajahin Cakepan Suci ento nelah-nelahang waktu dogén.”
-
Kéngkén yén menurut ragané?
KESIMPULANÉ
Cakepan Suci nyediaang tuntunan buat nyalanin idup sabilang wai, nyawab patakon-patakon penting, kéto masi ngemaang penghiburan lan harapan.
Ulangin
-
Tuntunan apa ané bisa iraga bakat uli Cakepan Suci?
-
Patakon apa dogén ané jawabané ada di Cakepan Suci?
-
Apa ané demenin ragané uli Cakepan Suci?
ALIH BUIN
Kenehang kéngkén nasihat Cakepan Suci maguna buat kaidupané jani.
”Ajahan Cakepan Suci—Maguna Saterusné” (Menara Pengawal No. 1 2018) (ada di basa Indonesia)
Tingalin kéngkén Cakepan Suci nulungin anak muani uli cenik berjuang ngatasin perasaan sing maguna.
Tingalin nasihat-nasihat Cakepan Suci ané luung buat kluarga.
”12 Kunci Kluarga Bagia” (Sadarlah! No. 2 2018) (ada di basa Indonesia)
Plajahin kéngkén Cakepan Suci nyelasang nyén sebenarné ané nguasain guminé.
