2021-ci ilin noyabr ayı ərzində Şri-Lankada aramsız yağışlar yağıb və güclü küləklər əsib. Bunun nəticəsində baş vermiş daşqın və torpaq sürüşmələri ölkəyə böyük ziyan vurub.

• Dindaşlarımız arasında xəsarət alan və ya ölən yoxdur.

• 57 ailə təxliyə olunub.

• 15 evə cüzi ziyan dəyib.

• 4 evə ciddi ziyan dəyib.

• Zərərçəkənlərə yardım komitəsi yerli yığıncaqlarla birgə təxliyə olunmuş 52 ailəyə evlərini təmizləməyə kömək edir ki, onlar öz evlərinə qayıda bilsinlər.

• Qalan 5 ailəni yerli yığıncaqlar müvəqqəti sığınacaqla təmin edib.

• Rayon nəzarətçiləri və yerli ağsaqqallar zərər çəkmiş bütün təbliğçilərə baş çəkir və onlara ürək-dirək verirlər.

• Bütün yardım işləri COVID-19 pandemiyası ilə əlaqədar təhlükəsizlik qaydalarına uyğun həyata keçirilir.

Biz əminik ki, Yehova bundan sonra da bacı-qardaşlara «təsəlli verib [ovudacaq]» (Zəbur 94:19).