«Müqəddəs Yazılar», «Müqəddəs Kitab», yaxud «Tövrat, Zəbur və İncil» kimi tanınan yazılarda çoxlu müdrik kəlmələr yer alır. Bəs onların müəllifi kimdir? Görün bu haqda onun özündə nə deyilir: «Müqəddəs Yazılardakı hər kəlmə Allah tərəfindən ilhamlanmışdır» (İncil, 2 Timoteyə 3:16). Bunu digər amillər də təsdiq edir. Məsələn:

•   Nə qədər cəhd göstərsələr də, heç kim Müqəddəs Yazıların tarixi cəhətdən dəqiqliyini şübhə altına ala bilməmişdir.

•   Allahın göstərişi ilə Müqəddəs Yazıları qələmə alanlar bunu təmiz ürəkdən edirdilər. Onlar hətta öz səhvlərini belə açıq söyləyirdilər. Bu da Müqəddəs Kitaba olan etibarı birə beş artırır.

•   Müqəddəs Yazılar boyu bir əsas mövzudan bəhs olunur: Allahın bəşəriyyət üzərində hökmranlığına bəraət qazandırılması və qurduğu səmavi hökuməti vasitəsilə niyyətlərini həyata keçirilməsi.

•   Min illər öncə yazılmasına baxmayaraq, Müqəddəs Yazılarda elmə zidd olan heç bir fikir yoxdur.

•   Rəsmi şəkildə təsdiq olunmuş tarixi hadisələr Müqəddəs Kitab peyğəmbərliklərinin dəqiqliyinə işarə edir.