Zəbur 106:1—48
106 Yaha alqış edin!
Yehovaya şükür edin, çünki kəramətlidir,+Məhəbbəti əbədidir.+
2 Kim Yehovanın möhtəşəm işlərindən danışa bilər?
Kim Onun tərifəlayiq işlərini bəyan edə bilər?+
3 Xoşbəxtdir o kəslər ki, haqq-ədalətə bağlıdır,Hər zaman dürüst davranır.+
4 Ey Yehova, xalqına lütf göstərəndə məni də yada sal.+
Qeydimə qal, mənə nicat ver ki,
5 Seçilmişlərinə+ nəsib etdiyin kəramətdən mən də dadım,Xalqınla birgə sevinib-şadlanım,İrsinə qoşulub Səni fəxrlə tərif edim.
6 Ata-babalarımız kimi, biz də günah etdik,+Nadürüstlük etdik, pis işlər gördük.+
7 Ata-babalarımız Misirdə Sənin möhtəşəm işlərinin qədrini bilmədilər,Sənin bol məhəbbətini yaddan çıxartdılar,Sənə qarşı qalxdılar, dənizin, Qırmızı dənizin kənarında.+
8 Lakin O, Öz adı naminə onları qurtardı ki,+Qüdrətini əyan etsin.+
9 O əmr etdi Qırmızı dəniz qurudu,Onları dənizin dibi ilə çöllükdə aparırmış kimi apardı.+
10 Onları düşmən əlindən,Yağı pəncəsindən çəkib aldı.+
11 Sular düşmənlərin üstünü örtdü,Biri də sağ qalmadı.+
12 O zaman Onun vədinə inandılar,+Ona nəğmə dedilər.+
13 Amma çox çəkmədi ki, işlərini unutdular;+Məsləhətini gözləmədilər.
14 Səhrada nəfsə uydular,+Biyabanda Allahı sınadılar.+
15 O da istədiklərini onlara verdiVə canlarına qırıb-tökən azar saldı.+
16 Düşərgənin içində Musaya,Yehovanın müqəddəs bəndəsi Haruna+ paxıllıq etdilər,+
17 Onda yer aralanıb Datanı uddu,Abiramın başına toplaşanları özünə qərq etdi.+
18 Bu kütlənin arasına od düşdü,Alov şər adamları məhv etdi.+
19 Huribdə dana düzəltdilər,Tökmə bütə səcdə etdilər.+
20 Mənim calalımıOt yeyən dananın surətinə dəyişdilər.+
21 Allahı, xilaskarlarını unutdular,+Misirdə əzəmətli işlər görəni,+
22 Ham ölkəsində möhtəşəm işlər görəni,+Qırmızı dənizdə vəhmli işlər görəni+ unutdular.
23 O, az qalmışdı onların məhvinə əmr versin,Amma seçdiyi qulu Musa Ona yalvardı ki,Məhvedici qəzəbini yatırsın.+
24 Füsunkar torpaqdan ikrah etdilər,+Onun vədinə iman gətirmədilər.+
25 Öz çadırlarında hey deyindilər,+Yehovanın sözünü eşitmədilər.+
26 O da əlini qaldırıb and içdi ki,Cəsədlərini səhrada yerə sərəcək,+
27 Nəsillərini xalqlar arasında yıxacaq,Onları diyarbədiyar səpələyəcək.+
28 Onlar Faur Baalına sitayiş etməyə,+Ölülərə* gətirilən qurbanları yeməyə başladılar.
29 Əməlləri ilə Onu qəzəbləndirdilər,+İçlərinə qırğın düşdü.+
30 Fənhas qalxıb işə qarışandaQırğın kəsildi.+
31 Bu, nəsillər boyu, əbədilikOnun üçün salehliyə yazıldı.+
32 Sonra Məriba sularında Onu hirsləndirdilər,Onların ucbatından Musa zərər çəkdi.+
33 Onu əsəbiləşdirdilər,O da düşünmədən danışdı.+
34 Onlar Yehovanın əmrindən çıxdılar,+Xalqları məhv etmədilər.+
35 Başqa xalqlarla qaynayıb-qarışdılar,+Onların adətlərini götürdülər.+
36 Onların bütlərinə sitayiş etdilər,+Bu, onlara tələ oldu.+
37 Oğullarını, qızlarınıCinlərə qurban gətirdilər.+
38 Məsumların qanını tökürdülər,+Kənan bütlərinə qurban verərəkÖz oğul-qızlarının qanını axıdırdılar.+
Beləcə, ölkə qana bulanıb murdar oldu.
39 Əməlləri ilə özlərini murdarladılar,Xəyanət etdilər*.+
40 Axırda Yehovanın qəzəbi xalqına qarşı kükrədi,Öz irsinə nifrət etdi.
41 Dəfələrlə onları xalqların öhdəsinə buraxdı ki,+Onlara nifrət edənlər onlara ağa olsun.+
42 Düşmənlər onlara zülm etdi,Onların əli altında qaldılar.
43 O, onları dəfələrlə qurtarırdı,+Lakin onlar asi olub itaət göstərmirdilər,+Öz təqsirləri ucbatından rəzil olurdular.+
44 Amma O, acınacaqlı hallarını görürdü,+Fəryadlarını eşidirdi.+
45 Onların xatirinə əhdini yada salırdı,Bol məhəbbətinə görə rəhm göstərirdi.+
46 Onları əsir edənlərin qəlbindəOnlara qarşı mərhəmət oyadırdı.+
47 Ey Allahımız Yehova, bizi xilas et,+Bizi xalqların arasından topla ki,+Sənin müqəddəs adına həmd edək,İftixarla Səni ucaldaq.+
48 İsrailin Allahı YehovayaƏzəldən əbədiyyətədək alqış olsun!+
Bütün bəşər «amin» desin.
Yaha alqış edin!
Haşiyələr
^ Ola bilsin, ölü insanlar, yaxud cansız allahlar nəzərdə tutulur.
^ Hərfən: zina etdilər.
