ДӘРС 20

Јығынҹаг неҹә тәшкил олунуб?

PLAY

Јеһова низам-интизамы севән Аллаһдыр (1 Коринфлиләрә 14:33). Демәли, Онун халгы арасында да низам-интизам олмалыдыр. Бәс Јеһованын Шаһидләринин јығынҹағы неҹә тәшкил олунуб? Јығынҹагдакы низам-интизамын горунмасында бизим һансы ролумуз вар?

1. Јығынҹағын башчысы кимдир?

Мүгәддәс Китабда дејилир ки, «Мәсиһ јығынҹағын башы»дыр (Ефеслиләрә 5:23). О, ҝөјдән Јеһованын халгынын бүтүн дүнјадакы фәалијјәтинә рәһбәрлик едир. Иса Мәсиһ «садиг вә ағыллы нөкәр» тәјин едиб. Бир груп јеткин ағсаггалдан ибарәт олан бу «нөкәр» Рәһбәрлик Шурасы кими дә таныныр. (Мәтта 24:45—47 ајәләрини охујун.) Биринҹи әсрдә мәсиһи јығынҹагларына Јерусәлимдәки һәвариләр вә ағсаггаллар ҝөстәришләр верирди. Бу ҝүн дә бүтүн дүнјадакы јығынҹаглар Рәһбәрлик Шурасындан ҝөстәришләр алыр (Һәвариләрин ишләри 15:2). Амма онлар бизим тәшкилатын башчысы дејилләр. Онлар Мүгәддәс Китабы охујуб Јеһованын дедијини едирләр вә Иса Мәсиһин башчылығына табе олурлар.

2. Ағсаггаллар кимдир вә һансы иши иҹра едирләр?

Мәсиһи јығынҹағындакы ағсаггаллар Аллаһа узун илләр сәдагәтлә хидмәт едән кишиләрдир. Онлар Јеһованын халгына Мүгәддәс Китаб әсасында тәлим верир, көмәк едир вә руһландырыр. Бу ишин мүгабилиндә мәваҹиб алмырлар. «Аллаһ гаршысында көнүл хошлуғу илә, һагсыз газанҹ һәрислијиндән јох, ҹанла-башла» хидмәт едирләр (1 Бутрус 5:1, 2). Ағсаггаллара јығынҹаг хидмәтчиләри көмәк едир. Јығынҹаг хидмәтчиләри дә вахт кечдикҹә мүәјјән тәләбләрә ҹаваб вериб, ағсаггал тәјин олунурлар.

Рәһбәрлик Шурасы бәзи ағсаггаллары рајон нәзарәтчиси тәјин едир. Онлар јығынҹаглары зијарәт едир, баҹы-гардашлара мәсләһәтләр верир вә онлары руһландырыр. Рајон нәзарәтчиләри Мүгәддәс Китабдакы тәләбләрә ҹаваб верән гардашлары ағсаггал вә јығынҹаг хидмәтчиси тәјин едирләр (1 Тимутијә 3:1—10, 12; Титуса 1:5—9).

3. Јеһованын Шаһидләринин һәр бири јығынҹагда һансы ролу ојнајыр?

Јығынҹагда һәр кәс «Јеһованын адына алгыш» едир. (Зәбур 148:12, 13 ајәләрини охујун.) Неҹә? Ибадәт ҝөрүшләриндә иштирак етмәклә, шәраитләри јол вердији гәдәр тәблиғ етмәклә.

Д Ә Р И Н Л И Ј Ә В А Р Ы Н

Ҝөрүн Иса Мәсиһ неҹә башчыдыр, ағсаггаллар ондан неҹә нүмунә ҝөтүрүр, биз Исаја неҹә табе олуруг вә ағсаггалларла неҹә әмәкдашлыг едирик.

4. Иса Мәсиһ ҝөзәл рәһбәрдир

Иса Мәсиһ инсанлары мүлајимҹәсинә дәвәт едир ки, онун башчылығыны гәбул етсинләр. Мәтта 11:28—30 ајәләрини охујун вә нөвбәти суалы мүзакирә един:

Иса Мәсиһ неҹә рәһбәрдир вә бизә нә вәд едир?

Ағсаггаллар Исадан неҹә нүмунә ҝөтүрүрләр? ВИДЕОЈА бахын.

ВИДЕО: «Непалда зәлзәләдән зәрәрчәкәнләрә ағсаггалларын гајғысы» (4:56)

Мүгәддәс Китабда ајдын шәкилдә јазылыб ки, ағсаггаллар өз ишләрини неҹә иҹра етмәлидирләр.

Әшија 32:2 вә 1 Бутрус 5:1—3 ајәләрини охујун. Сонра нөвбәти суаллары мүзакирә един:

Ағсаггалларын башгаларына тәравәт вермәјә чалышмасы сиздә һансы һиссләри доғурур?
Ағсаггаллар башга һансы саһәләрдә Иса Мәсиһдән нүмунә ҝөтүрүрләр?

5. Ағсаггаллар өз нүмунәләри илә өјрәдирләр

Иса Мәсиһ ағсаггалларын өз ролларына неҹә јанашмасыны истәјир? ВИДЕОЈА бахын.

ВИДЕО: «Рәһбәрлик едән ағсаггаллар» (7:39)

Иса Мәсиһ ағсаггаллар үчүн тәләбләр гојуб. Мәтта 23:8—12 ајәләрини охујун вә нөвбәти суаллары мүзакирә един:

Сизҹә, башга динләрдәки дин хадимләри Мүгәддәс Китабда ағсаггаллар үчүн олан бу тәләбләрә ҹаваб верир?

А. Ағсаггаллар өзләрини вә аилә үзвләрини руһани ҹәһәтдән мөһкәм сахламаға чалышырлар
Б. Ағсаггаллар јығынҹагдакы һәр бир инсанын гајғысына галыр
В. Ағсаггаллар мүнтәзәм тәблиғ едирләр
Г. Ағсаггаллар Аллаһын Кәламыны өјрәдирләр. Һәмчинин ибадәт евинин тәмизлијиндә вә диҝәр ишләрдә иштирак едирләр

6. Биз ағсаггалларла әмәкдашлыг едирик

Мүгәддәс Китабда ағсаггалларла әмәкдашлыг етмәјин ваҹиб бир сәбәби јазылыб. Ибраниләрә 13:17 ајәсини охујун вә нөвбәти суаллары мүзакирә един:

Нәјә ҝөрә Мүгәддәс Китаб бизи рәһбәрлик едән гардашлара табе олмаға сәсләјир? Сиз буна неҹә бахырсыныз?

Лука 16:10 ајәсини охујун вә нөвбәти суалы мүзакирә един:

Нәјә ҝөрә һәтта хырда мәсәләләрдә дә ағсаггалларла әмәкдашлыг етмәк ваҹибдир?

БӘЗИ ИНСАНЛАР ДЕЈИР: «Һансыса динә мәнсуб олмаг ваҹиб дејил».

Сизҹә, јығынҹагла бирҝә Аллаһа ибадәт етмәјин һансы үстүн ҹәһәтләри вар?

ИҸМАЛ

Иса Мәсиһ јығынҹағын башчысыдыр. Биз Исанын рәһбәрлији алтында хидмәт едән ағсаггалларла үрәкдән әмәкдашлыг едирик, чүнки онлар бизә тәравәт верир вә өз нүмунәләри илә бизи өјрәдирләр.