¿Bibliajj kamsisa?
¿Religionajj jaqen uñstayatakipachati?
JAQENAKAJJ AKHAM SAPJJEWA religionajj jaqenakan uñstayatakiwa. Yaqhepajj religión toqekiw jaqenakajj Diosar jakʼachasipjjaspa sasaw creyipjjaraki. ¿Jumajj kamsasmasa?
BIBLIAJJ AKHAM SIWA
“Kuna religionatejj qʼomäki cheqapäkaraki Dios Awki nayraqatan ukajj” maya sapakiwa (Santiago 1:27, MT). Ukhamajja, cheqa yupaychäwejj Diosan uñstayatawa.
BIBLIAJJ AKHAM SASKAKIWA
Diosamp askit uñjatäñapatakejja, mä religionajj kuntï Bibliajj yatichki ukarjamäñapawa (Juan 4:23, 24).
Kawkir religionanakantï jaqenakan amuyuparjamaki yatichapki ukanakajj inamayakiwa (Marcos 7:7, 8).
¿Mä religionankañajj wakispachati?
¿JUMAJJ KAMSASMASA?
Jïsa
Janiwa
Inasa
BIBLIAJJ AKHAM SIWA
“Thaqañasaw maynit maynikama kunjäman yanaptʼasiñasataki munasiñanïñasataki, ukhamarak suma luräwinak uñachtʼayasa. Janirakiw tantachasïwinakasar janejj sarañasäkiti” (Hebreos 10:24, 25). Diosajj servirinakapan tantachasipjjaspa, yäpar taqe kunas tantachäwinakan lurasispa ukwa muni.
BIBLIAJJ AKHAM SASKAKIWA
Diosar yupaychapki ukanakajja, janiw mayj mayja amtanïpjjañapäkiti (1 Corintios 1:10, 11).
Khitinakatï cheqa yupaychäwinkapki ukanakajja, oraqpachan jilat kullakanakajj utjki uka taypinkapjjewa (1 Pedro 2:17).
Akanakajj inas gustarakiristam
YATIYAÑATAKI
¿Mä atiniskay religionajj utjpachati?
¿Mä religionas jan ukajj mä yupaychäwis chuym ustʼayawaytamti? Ukhamächi ukhajja, inas mä religionar atinisiñajj jumatak chʼamächi. Jan ukham amuyañatakejj Bibliat yatjjatañaw yanaptʼiristam.
