Jesusajj walja jiwatanakaruw jaktayäna sasaw Bibliajj qhanañchi. Ukanakajj janiw aleq cuentokïkiti; kunapachas ukat kawkhansa pasäna ukas sum qhanañchasi. Amuytʼañäni, 31 jichha pacha maranjja, Jesusajj Capernaum markat Naín markaruw walja jaqenakamp chika saraskäna. Uka markar purisajja, mä jiwatar imtʼanjjañatak kallasipkir uñjäna. Jesusajj ukaratpachaw jiwatäkän uka waynarojj jaktayäna. Uka milagrojj cheqapuniw utjäna sañatakejj janiw Biblianak qhanañchkiti, walja uñjirinakaw utjarakïna. (Lucas 7:11-15 liytʼäta.)

Mä qawqha tiempotjja, Jesusajj Lázaro sat amigoparuw jaktayäna, jupajj pusi urunakaw jiwatäjjäna. Ukapachasti ukhamarakiw walja jaqenakajj uñjapjjäna, ukatwa Jesusajj cheqapuniw Lazaror jaktayäna sasin sissna. (Juan 11:39-45 liytʼäta.)

Jesusajj wal sinttʼasitap laykuw jiwatanakar jaktayäna. Ukat jakañ churir Awkipat chʼama katoqatap uñachtʼayañatakiw ukham lurarakïna. (Juan 5:21, 28, 29 liytʼäta.)

Jesusajj jiwatanakar jaktaykäna ukajja, taqe arsutanakapar confiyañatakiw yanaptʼistu. Jupajj millón millón jiwatanakaruw jaktayani, Diosar jan uñtʼas jiwapki ukanakarus jaktayarakiniwa. Jupanakajj Diosar uñtʼapjjaniwa ukat munasipjjarakiniwa. (Hechos 24:15 liytʼäta.)