Khä 1985 maran tunka maranïkayäta ukhajja, Camboya markatwa Columbus (Ohio, Estados Unidos) markan escuelajar mä qawqha wawanakajj purinipjjäna. Maynejj inglés aru mä qawqhak yatïna. Kunjamsa ukan jaqenakar jiwarayasïna, tʼaqhesiyasïna ukat escapapjjäna ukanak fotonakamp uñachtʼayasaw avistʼitäna. Jupanakat amtasajj arumajj wal jachirïta. Ukat Paraisota ukat jiwatat jaktanipkani uka suytʼäwitwa parlañ munayäta, ukampis parlkayäta uka aru janiw amuyapkänti. Jiskʼäkchiyätsa, jupanakar Jehová Diosat yatiyañatakejj camboyano aru yateqañ amtawayta. Kunjamsa uka amtatajajj jutïritak yanaptʼitaspa uk janiw amuykayätti.

Uka aru yateqañajj chʼamakïnwa. Pay kutiw jaytañ amtayäta, ukampis Jehová Diosajj awk taykajj toqew chʼamañchtʼitäna. Qhepatsti, kuna trabajontï walja qollqe pagapkitaspa ukatak yateqañajatakiw yatichirinakajasa ukat yateqer masinakajas chʼamañchapjjetäna. Ukampis precursorjamaw irnaqañ munayäta, ukatwa amtajj phoqañatak kunatï semanan mä qawqha horanak trabajiñatak yanaptʼkitaspa uk yateqañ colegionkkasajj amtayäta. Mistjjasajj walja precursoranakampiw yatiyir sarirïta. Ukat inglés aru payïr arupjam yateqerinakaruw yatichayäta, ukajj qhepat yanaptʼitänwa.

Ukat 16 maranïkayäta ukhajj Long Beach (California, Estados Unidos) markan camboyano aru parlir mä grupo uttʼayasitap yatiyäta. Ukar visittʼir sarta ukat uka arut liytʼañ yateqta. Colegiot mistusajj precursorjam irnaqañwa qalltta ukat utaj jakʼanakan uka aru parlañ yatipki ukanakaruw yatiyaskakiyäta. Ukat 18 maranëjjayät ukhajj Camboya markar sarañ amtjjayäta. Wali ajjsarkañ markakiskchïnsa, uka markan 10 millón millón utjasirinakat Diosan Arup janiw taqenejj istʼapkataynati. Uka tiemponjj markpachan mä tamakiw utjäna, ukat 13 yatiyirinakakiw utjarakïna. Uka markar nayrïr kuti sarkayät ukhajja, 19 maranikïyätwa, ukat pä mara qhepat uka markar jakasiriw sarjjayäta. Ukat semanan mä qawqha horanak inglés arur jaqokipañataki ukat yatichañataki mä trabajo jikjjatayäta, ukhamat ukamp yanaptʼasiñataki. Tiempompejj Diosar yupaychañat nayjam amtan mä cristian kullakampiw jaqechasjjayäta. Panpachanejj Camboya markan jakirinakat waljaniruw Diosar katuyasipjjañapatak yanaptʼawayapjjta.

Jehová Diosajj kuntï ‘chuyma manqhejjan’ maykayäta ukwa churitäna (Sal. 37:4). Diosar servipjjañapatak yatichañjamajj janiw kuna irnaqäwis utjkaspati. 16 maranak Camboya markankjjasajja, uka 13 jilat kullakanakat 12 tamanakaw utj-jje ukat pusi gruponakampiw utjjaraki. (Jason Blackwell jilatan arsutaparjama.)