Nayrïr tapan maysäxapa

Munat wayn tawaqunaka:

Mä kutix akham sasaw Salomón sat wali yatiñan reyix qillqatayna: “Jumax wayna [jan ukax tawaqu] kusisim, wayna kankañamana; kʼuchiki sarnaqarakim waynäkasina. Chuymamax kawkirutix sarañ munki, nayramas kuntï uñjki ukar sararakim” sasa (Eclesiastés 11:9). Chiqpachansa, waynäñas tawaqüñas wali sumawa ukat wali askirakiwa. Ukham waynakankañamana tawaqkankañamana wali kusisit sarnaqasisma ukwa nänakax munapxta. Ukampis Jehová Diosar kusisiyasapuni sarnaqma. Jupax taqi luratanakaswa uñji, ukat sapa mayniwa Jupar cuenta churarakiñäni, uk amtapunïtawa. Ukhamasti, ¿janit Salomonan akïr arunakap istʼañax walïkaspa? “Waynäkasina [tawaqükasina] jumar irnuqir Diosamat amtasim.” (Eclesiastés 12:1.)

Aka libromp yanaptʼayasisax akapachankir kunayman jan waltʼäwinakaru, yantʼanakaru saykatapxasma ukwa Jehová Diosat mayirapipxsma, ukhamat Diosan munañaparjam kunsa amtapxañamataki. Ukhamtï lurapxätaxa, Jehová Diosan chuymapxa kusisiyapxapunïtawa (Proverbios 27:11).

Jehová Diosan Qhanañchirinakapan Uraqpachan Jilïr Irpirinakapa