Salmos 48:1-14
Coré+ chachan yoqanakapan salmopa.
48 Jehová Diosajj jachʼawa, juparukiw jachʼañchatäñajj waktʼi,Diosasan markapana, sagrado qollupana.
2 Suma uñnaqtʼani, wali alto, oraqpachan kusisiñapa,+ukhamaw Sion Qollojja, alay toqet* wali jayankarakiwa,Jachʼa Reyin markapawa.+
3 Jachʼa torrepanwaDiosajj jarkʼaqasir Diosätap yatiyäna.+
4 Kuna laykutejj reyinakaw tantachtʼasipjje,mayachtʼataw sarapjjaraki.
5 Kunapachatï jupanakajj uka marka uñjapjjäna ukhajja, wal musparapjjäna.
Wal sustjasipjjäna, ajjsarañatsa escapapjjarakïnwa.
6 Ukanjja ajjsarañatwa wal khatatipjjäna,kunjamtï mä warmejj wawa ususkasajj tʼaqeskejja, ukhamwa tʼaqesipjjarakïna.
7 Inti jalsu toqet jutir thayampiw Tarsis toqenkir barconak tʼunthaptajja.
8 Kuntï nanakajj istʼapkta ukjja, jichhajj nanak pachpaw uñjapjjta,ejercitonakan Jehová Diosapan markapana, nanakan Diosajan markapana.
Diosajj wiñayatakiw uka marka sum uttʼayani.+ (Sélah).
9 Dios Tata, munasirïtamata jan jaytjasirïtamatwa nanakajj amuykiptʼapjjta,+templomanwa amuykiptʼapjjta.
10 Dios Tata, sutimasa jachʼañchäwimasaoraqpachan mä thiyapat mä thiyapkamaw* puri.+
Kupi amparamajj kunatï cheqapäki ukamp phoqtʼatawa.+
11 Sion+ Qollojj kusispan,Judá oraqenkir markanakajj* kusisipjjpan, kunanaktï jumajj Juezjam amtkta ukanakat kusisipjjpan.+
12 Sion Qollu muytapjjam, Sion Qollu taqpach muytanipjjam,torrenakapsa jaktʼapjjam.+
13 Jarkʼaqasiñ murallanakap sum uñtapjjam.+
Jachʼa torrenakap inspeccionapjjam,ukhamat jutïr wawanakar ukanak yatiyañataki.
14 Kuna laykutejj aka Diosajj wiñayans wiñayapatak Diosasawa.+
Jupaw wiñayatak* irpistani.+
Notanaka
^ Jan ukajja, “norte toqet”.
^ Variante: “mä qawayapat mä qawayapkamaw”.
^ Hebreo arunjja, “Judá oraqen phuchanakapajj”.
^ Ukajja, “jiwañaskam” sasaw jaqokipasirakispa.
