Salmos 135:1-21
135 ¡Jah Diosar jachʼañchapjjam!*
Jehová Diosan sutip jachʼañchapjjam,Jehová Diosan servirinakapa, jupar jachʼañchapjjam,+
2 khitinakatï Jehová Diosan utapan servisipkta ukanaka,Diosasan utapan pationakapan servisipkta ukanaka.+
3 Jah Diosar jachʼañchapjjam, kuna laykutejj Jehová Diosajj suma Diosawa.+
Jupan sutipar alabanzanak cantapjjam,* kuna laykutejj ukajj wali sumawa.
4 Jah Diosajj Jacoburuw jupatak ajllisi,Israelarojj jupankañapatakiw ajllisi.+
5 Jehová Diosajj wali jachʼa Diosätapjja nayajj sum yatta,taqe yaqha diosanakat sipansa jiwasan Diosasajj wali jachʼawa.+
6 Jehová Diosajj kunanaktï jupajj munki taqe ukanakwa luri,+alajjpachansa, oraqensa, lamar qotanakansa, lamar qota manqhanakansa.
7 Jupaw qenayanakjja oraq tukuyanakatpach makatayi,jupaw jallutakejj lliju llijunak luri,jupaw imañ utanakapat thayjja apsuraki.+
8 Jupaw Egipto markankir jilïr yoqall wawanakarojj jiwarayäna,animalanakan nayrïr qallunakaparus jiwarayarakïna.+
9 Egipto marka, jupaw señalanaksa milagronaksa juma taypirojj apayanïna,+faraón contra ukhamarak faraonan taqe servirinakap contra.+
10 Jupaw walja markanakarojj tukjäna,+jupaw chʼaman reyinakarus jiwarayäna:+
11 amorreonakan Sehón reyiparusa,+Basán markan Og reyiparusa,+Canaán oraqen taqe reinonakaparusa.*
12 Jupanakan oraqepjja Diosajj markaparuw herenciat churäna,mä arunjja Israel markaparuw herenciat churäna.+
13 Jehová Dios Tata, sutimajj wiñayatakiwa,Jehová Dios Tata, wali uñtʼat Diosätamajj* wiñayatakiwa.+
14 Kuna laykutejj Jehová Diosaw markapar arjjatani,+servirinakapatsa sinttʼasirakiniwa.+
15 Markanakan idolonakapajj qollqeta qorita luratäpjjewa,jaqenakan amparapampi luratäpjjewa.+
16 Uka idolonakajj lakanïpjjewa, ukampis janiw parlapkiti;+nayranïpjjewa, ukampis janiw uñjapkiti;
17 jiñchunïpjjewa, ukampis janiw istʼapkiti.
Lakanakapansa janiw samanajj utjkiti.+
18 Uka idolonak lurir jaqenakajja uka idolonakjamaw tukupjjani,+uka idolonakar confiyir taqe jaqenakas uka idolonakjamaw tukupjjarakini.+
19 Israel markankir jaqenaka, Jehová Diosar jachʼañchapjjam.
Aarón chachan familianakapa, Jehová Diosar jachʼañchapjjam.
20 Leví chachan familianakapa, Jehová Diosar jachʼañchapjjam.+
Khitinakatï Jehová Diosar ajjsarapkta ukanakajj Jehová Diosar jachʼañchapjjam.
21 Jehová Diosajj Sionatpach jachʼañchatäpan,+Jerusalenan jakir Diosajj jachʼañchatäpan.+
¡Jah Diosar jachʼañchapjjam!+
Notanaka
^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
^ Jan ukajja, “sutipatak music tukapjjam”.
^ Jan ukajja, “gobiernonakaparusa”.
^ Jan ukajja, “sutimajj”.
