ELUUNGE TAMI NÜTRAMCACHEAL
QUIMELTUN 3
Cüme piuquengeaimi
Biblia ñi ngülam: “Ti piuqueyechequelu […] cüme piuquengei” (1 Cor. 13:4).
Jesús ñi femün
1. Pefinge ti VIDEO cam papeltunge Juan 9:1-7. Fei hula ngüneduamfinge tüfachi ramtun:
-
¿Hunelu mu chem chumi Jesús? ¿Tremoltufi ti huentru cam amuldungulelfi? (Pefinge Juan 9:35-38).
-
¿Chumngelu (chemu) ti huentru eluhui ñi allcütuafiel ta Jesús?
¿Chem quimeltueiñmu Jesús ñi femün?
2. Ti che ngüneduamle taiñ duamtuniefiel, doi eluucüleai taiñ allcütuaeteu.
Inayentufinge ta Jesús
3. Raquiduamnge ñi chum duamcülen ti che.
-
Ramtuunge: “¿Chem tüngümüñmaquelaeyu ti che ñi raquiduam? ¿Chem quelluafeyu cam ayühuelafeyu?”. Feitichi ramtun quelluaimu tami pengelelafiel ti che tami piuqueyefiel.
-
Cüme allcütuafimi ti che, femngechi pengelaimi tami piuqueyefiel. Nütramcaelmu tañi huesa rupan cam tañi chum duamcülen, catrütulayafimi, ca dungu mu nütramcalayaimi.
4. Yamün ca piuqueyen mu nütramcacheaimi. Cutranpiuqueyecheliyiñ ca rüf cüpa quellucheliyiñ, quimfalngeai taiñ dungun meu. Feimu cüme dullinge chem tami dungual ca chumngechi tami feipial. Huesa entulayaimi tami nütram ñi huesa duamelnoafiel ti che.
5. Quellucheaimi. Quintunge chumngechi ñi quelluafiel ti che. Pengelelfilmi tami piuqueyefiel, doi eluucüleai ñi nütramcayal.
