Fentren pais mu tati autoridad catrütuquefi pu che ñi fülmahual ca ñi trahuluhual. Iñchiñ, pu Dunguquelu Ineingen Jehová, inaquefiyiñ ñi feipin ti autoridad, feimu trahuluuquelaiñ cuifi reque. Doi mai trahuqueiñ internet mu. Pünequefiyiñ quiñeque aplicacion, quiñe tüfa Zoom pingei.

 Huelu ñi püneafiel tati Zoom ca ñi cüme amuleal, mülei ñi cullingeal 15.000 pesos chilenos cam doi chi. Quiñeque trahunche pepi culliquelafi feichi plata, feimu tati Cuerpo Gobernante adcünui tüfachi pu trahunche ñi cullilelngeal tati Zoom. Femngechi doi fentren che peafui ti trahun ca conquelai connoafelchi che. Caquelu aplicacion mu femngechi felelai. Feula doi 170 pais mu, doi 65.000 trahunche cullilelngequei tati Zoom ñi püneafiel.

 Quiñe trahunche mülelu Indonesia mapu mu cullilelngei tati Zoom ñi püneafiel. Quiñe peñi Hadi Santoso pingelu, feipi: “Cullingenolu ti Zoom, rume pichiñma duraquei ti trahun, catrücatrüngei ti Zoom. Feimu pu adümuunolu cüdautuquefuingün ñi ca huiño conal. Huelu feula tüfachi dungu rupahuelai”.

 Quiñe loncolelu Lester Jijón pingelu, mülelu Ecuador mu feipi: “Fau pu peñi ca pu lamngen pofrengeingün, feimu fentren trahunche pepi culliquelafuingün chi Zoom. Cullingenon mu chi Zoom, pepi conquelai fentren che quiñe trahun mu, ¡müna huesa! Huelu feula cullilelngeiñ tati Zoom, fei doi fentren che conafui trahun mu, feimu mangelchequeiñ müten”.

 Ca quiñe loncolelu Johnson Mwanza pingelu, mülelu Zambia mapu mu feipi: “Pu trahunche quimfiel mu taiñ cullilelngequen tati Zoom, feipiqueingün: ‘Feula doi fülmaniefiyiñ com taiñ pu peñi ca pu lamngen, ca doi cüme pequeiñ taiñ piuqueyenieteu Jehová’”.

 Ñi cullingeal tati Zoom, Jehová tañi troquiñche pünequei plata huichucünungelu ñi quelluafiel pu huesa dungu rupalu. Fentren che tañi quelluntucual Jehová tañi cüdau mu, hulqueingün plata taiñ pagina donate.isa4310.com internet mu. Rume mañumniehuiyiñ tamün hulquen plata, femngechi doi quellungequei taiñ pu peñi ca lamngen huall Mapu püle (2 Corintios 8:14).