Ngünechen tañi Reino, ¿yeniengequepei mai ta piuque meu?
Biblia ñi quimeltuqueel
Chau Ngünechen ñi Reino yeniengelai ta piuque meu. a Biblia cüme pengeli cheu mülei, feipilei huenu meu Chau Ngünechen ngünenietuafi Mapu (Mateo 4:17, Traducción del Nuevo Mundo [TNM]). Ca feipi quiñe rüfngechi Gobierno tati, deu ngüneniei huenu mu. Ngüneduamafiyiñ.
Chau Dios ñi Reino mu mülei che ngüneniealu ca mülei tati pu ngüneniengealu ca niei quisu tañi huercün dungu. Tüfachi Reino elfalcünungei ñi huechunenturpual Chau Dios ñi ayünieel huenu meu ca Mapu meu (Mateo 6:10; Apocalipsis 5:10).
Chau Ngünechen ngünenietuai “com pu che, chem tuhun-ngele rume ca chem quehun dungule rume” (Daniel 7:13, 14). Pu che dullilafi tüfachi Reino, Chau Dios mai ta elcünufi ca elfalcünungei ñi adnieafiel tati pu che (Salmo 2:4-6; Isaías 9:7).
Jesús feipifi tañi manel apostol ñi quiñentrür müleputual huenu meu, ¿chemu cai? “Ülmenque huancu mu anücünuhuaimün” pifi engün. Feimu lonco ülmencüleai Jesús engün (Lucas 22:28, 30).
Chau Ngünechen ñi Reino apümcayafi tañi pu caiñe (Salmo 2:1, 2, 8, 9; 110:1,2; 1 Corintios 15:25, 26).
Biblia feipi Chau Ngünechen ngünenietuai ta Mapu, huelu pünelayafui ti pu che ñi piuque tañi ngünenieal. Feimu Chau Dios ñi Reino yeniengelai ta piuque meu. Huelu mai Biblia feipi iñchiñ mülei taiñ piuquentucual “tati cümeque dungu Chau Dios ñi ngünenietual ta mapu” (Mateo 13:19; 24:14).
¿Quimeltui Jesús “Chau Dios ñi Reino tamün piuque mu mülei”?
Quiñeque Biblia femngechi rulpadunguquefingün Lucas 17:21 Tüfa ñi feipin Biblia Americana San Jerónimo. Feimu, “Chau Dios ñi Reino piuque mu mülei” raquiduamquei quiñeque che. Ñi cüme adümal Lucas 17:21 mülei ñi ngüneduamal caquelu versiculo.
Feichi cüpa langümfilu ta Jesús nielayafui Chau Dios ñi Reino tañi piuque mu.
Raquiduamaiñ, tüfachi dungu feipingei tati pu fariseo. Feichi pu loncolechi religioso üdefingün ta Jesús, cüpa langümfingün cütu (Mateo 12:14; Lucas 17:20). ¿Feichi pu huesaque che ñi piuque mu mai mülepei Chau Dios ñi Reino? Femlai llemai. Jesús feipieyu engün “Apoleimün reque ta re ngünencachen meu ca huesa femün meu” (Mateo 23:27, 28).
Caquelu Biblia cüme rulpadungufingün Lucas 17:21, Ngünechen ñi cüme dungu feipilei: “Ngünechen ñi lonco ülmen-ngen fantepu meu deu mülepai ta eimün meu”. Tati Traducción del Nuevo Mundo de las Santas Escrituras feipilei: “Rangiñ eimün mülei ti lonco ülmen, feiti ñi elcünuel Chau Ngünechen tañi ngünenietual mapu”.¿Chumngelu feipingei tüfachi dungu pu fariseo? Jesús feiti ñi dulliel Chau Dios tañi ngünenieal, müleparquei fei engün meu (Lucas 1:32, 33).
a Fentren iglesia quimeltuquei Chau Dios ñi Reino mülei piuque mu. Estados Unidos mu, ti Convención de Bautistas del Sur feipi, Chau Ngünechen ñi Reino ngüneniequei pu che ñi piuque ca tañi mongen. Cafei ti papa Benedicto XVI, tañi lifru mu feipi: “Tati allcütulu, niei Chau Ngünechen ñi Reino tañi piuque. Fei tañi rüpü” (Jesús de Nazaret).
Eimi ca ayüafuimi
FALINQUE QUIMELTUN BIBLIA MU TRIPALU
¿Chem am ta Chau Dios ñi Reino?
Amuldungumequelu, Jesús doi quimeltui Chau Dios ñi Reino. Fentren tripantu mu, pu che llellipuquei ñi cüpayal tüfachi Reino.
TI HUERQUEN
¿Inei am loncolei Chau Dios ñi Reino mu?
Chau Dios feipicünui quiñeque dungu ñi quimfalcünual inei loncolealu tañi Reino meu. Fütra cuifi ca fantepu mu, quiñe che meu müten femtripai com ñi feipicünuel Biblia.
