Armagedón fei ta Chau Ngünechen ñi hueichan, chumngechi apümcayafi tati pu che ñi gobierno. Tüfachi pu gobierno caiñetuquefingün ta Ngünechen, pilai engün ñi ngünenieteu Chau Dios (Salmo 2:2). Armagedón meu, Chau Ngünechen apümcayafi tati pu che ñi gobierno (Daniel 2:44).

 Ti feipin Armagedón quiñe rupa müten tripai Biblia mu, ti lifru Apocalipsis mu (Apocalipsis 16:16). Feipilei “itrocom mapu mülechi pu loncolelu” trahulngeai feichi antü ñi hueichayafiel ta Chau Ngünechen, tati com pepiluhun nielu. Tüfachi hueichan femngeai quiñe lelfün meu, hebreo quehun Armagedón pingei (Apocalipsis 16:14)

 ¿Inei hueichayai Armagedón mu? Pu cümeque püllü huenu meu mülelu, Jesucristo loncoleai. Fei huehuafingün Chau Ngünechen ñi pu caiñe (Apocalipsis 19:11-16, 19-21). Apümcangeai com pu che pinolu ñi ngünenieaeteu Chau Dios ca tati pu illamcafilu tañi üi (Ezequiel 39:7).

 ¿Cheu femngeai ti Armagedón hueichan? Quiñe lelfün meu müten no, com huall mapu mu femngeai tüfachi hueichan (Jeremías 25:32-34; Ezequiel 39:17-20).

 Ti palabra Armagedón, Har Meghiddóhn pilei hebreo quehun mu. Tüfa cüpa feipilei “Meguidó huincul”. Meguidó pingerquefui quiñe huaria Israel mapu mülequefulu, feichi huaria püle quehuangerquefui fillque hueichan. Biblia mu nütramcangei quiñeque hueichan (Jueces 5:19, 20; 2 Reyes 9:27; 23:29). Huelu Meguidó huaria mu, ngelai quiñe huincul, feimu Armagedón femngelayafui tüfa mu. Cafei cheu mülelu Meguidó feilayafui com pu che hueichayalu. Feimu Armagedón mu coneltuleai com pu troquiñche huall mapu mülelu ñi hueichayafiel ta Chau Dios.

 ¿Chem rupayai ti hueichan Armagedón mu? Quimlaiñ chumngechi pengelai tañi nehuen Chau Ngünechen, ¿chumngechi ñi femün cuifi peno? Cüpalai pire, yai, mangiñ co, nüyün, cütral engu azufre, llüfqueñ ca huesaque cutran (Job 38:22, 23; Ezequiel 38:19, 22; Habacuc 3:10, 11; Zacarías 14:12). Quimnolu cai ñi chem chumal, Chau Dios ñi pu caiñe hueluquentu langümuhuai engün. Af meu ngüneduamaingün Chau Ngünechen ñi hueichamequeteu engün (Ezequiel 38:21, 23; Zacarías 14:13).

 Ti Armagedón hueichan, ¿apümcayafi ti mapu? Tüfachi mapu apümcangelayai, ti mapu deumangei ñi müleal che rumel meu (Salmo 37:29; 96:10; Eclesiastés 1:4). Feimu ti Armagedón apümcalayafi itrocom, montulngeai quiñe fütra troquiñche poyequefilu ta Chau Dios (Apocalipsis 7:9, 14; Salmo 37:34).

 Biblia feipilai ñi apümcangeal ti mapu Armagedón hueichan mu, huelu mai feipi ñi apümcangeal pu che caiñetuquefilu ta Chau Dios (1 Juan 2:15-17). Femngechi huechutripayai Biblia ñi feipin (Mateo 24:3).

 ¿Chumül cai acuai ti Armagedón hueichan? Biblia feipi müleai fütra cutrancahun petu ñi puunon Armagedón. Jesús feipi: “Inei rume quimlai ti antü ca ti hora ñi rupayal tüfachi dungu, tati huenu mapu müleyechi huerquen püllü no rume, tati Fotüm no rume. Tañi Chau müten ta quimniei” (Mateo 24:21, 36). Cafei Biblia feipi, feichi mülele iñchiñ meu ta Ñidol Jesús acuai ta Armagedón. Feichi 1914 tripantu, eluhui ñi müleal iñchiñ meu taiñ Ñidol Jesús (Mateo 24:37-39).